AQSH memlekettik hatshysy Antonıı Blınken eger Reseı Ýkraınaǵa basyp kiretin bolsa, ekonomıkalyq jazalaýdyń úlken soqqysyna ushyraıtynyn aıtyp eskertý jasady. Blınken bul týraly Rıgadaǵy Soltústik Atlant keńesiniń otyrysynan keıin ótken baspasóz máslıhatynda habarlady.

AQSH memlekettik hatshysy Antonıı Blınken Reseı sońǵy aptalarda Ýkraınadaǵy áskerı operasıayna daıyndyqty arttyrǵanyn atap ótip alańdaýshylyq bildirdi.

– Bizdi Reseıdiń  Ýkraınaǵa qarsy agressıvti qadamdar  josparlap otyrǵany qatty alańdatady. Reseıge áskerı kúshterin Ýkraına shekarasynan alyp ketýdi talap etemiz.  Eger Reseı Ýkraınaǵa basyp kiretin bolsa, úlken qun tóleıdi, – dedi Blınken.

Aıta keteıik, Reseı sońǵy aptalarda Ýkraına mańyna ondaǵan myń jaýynger shoǵyrlandyryp,  úlken jattyǵýǵa kiristi. Sonymen qatar Kreml NATO-men shyǵysqa qaraı keńeımeý týraly kelissózder júrgizgisi keletinin jáne Amerıka raketalarynyń Ýkraınaǵa shoǵyrlanýyn qalamaıtynyn málimdep otyr.