Batys elderi Belarýs prezıdenti Aleksandr Lýkashenkonyń úkimetin "Adam quqyqtaryn buzdy jáne EO shekarasynda zańsyz mıgrasıany uıymdastyryp otyr" dep aıyptap , sanksıa saldy.

AQSH, Kanada, Ulybrıtanıa jáne Eýropalyq blok beısenbi kúni birlesken málimdemede sanksıany jarıalap, "belgili bir jeke tulǵalar men uıymdardy" nysanaǵa alǵanyn aıtty. 

Bul áreket Batys elderiniń Lýkashenkony "quqyq buzdy jáne mıgrasıalyq daǵdarys týdyrdy" dep aıyptap, oǵan qarsy júrgizip jatqan qysym naýqanynyń bir bóligi.

"Biz Belarýs halqynyń demokratıalyq umtylystaryn qoldaýǵa daıynbyz. Táýelsiz azamattyq qoǵamnyń, buqaralyq aqparat quraldarynyń jáne barlyq belorýsterdiń daýsyn óshirýge tyrysqan rejımge qarsymyz. Osy ustanymdy qoldaıtyndarmen birge bolamyz. Belarýs halqy óz elinde bolyp jatqan shyndyq pen ádilet úshin kúresip jatyr" delingen habarlamada.