- «Nur Otan» partıasynyń Almaty oblysynda ókilderi memlekettik baǵdarlama boıynsha salynyp jatqan nysandardy tekserýin jalǵastyrýda. Bul týraly "Qamshy" portaly Bak.kzke silteme jasaı otyryp habarlaıdy.

Atalǵan nysandar qataryna mektepter, balabaqshalar, turǵyn úıler men jol qurylysy bar. Olar osylaısha Ulttyq qor qarajatynyń maqsatqa saı jumsalýyn tekserýmen qatar, qurylystarda is júzinde eńbek etip jatqan adamdar sanyn jáne qurylysshylardyń eńbek quqyqtarynyń saqtalýyn qadaǵalaýdy kózdep otyr. Ázirge «nurotandyqtar» tarapynan buzýshylyqtar anyqtaǵan joq. Birinshi toqsanda merdiger uıymdarǵa qarajat tolyq bólinbeı, nysandardy tapsyrý merzimi 3-4 aıǵa keıin shegerilgen bolatyn. Qazir bul másele túpkilikti sheshildi. Qurylys nysandary tapsyrylǵannan keıin «Nur Otan» músheleri qurylys sapasy men aıaqtalý merziminiń saqtalýyn taǵy bir teksermek. Jalpy Almaty oblysy boıynsha Ulttyq qor qarajaty esebinen 41 nysan salynýda.

Serik Muqanov, «Nur Otan» partıasy oblystyq fılıaly tóraǵasynyń birinshi orynbasary - Barlyq nysandardyń qarjylary keldi. Endi jol men JKH qarjysyn, oryndalyp jatqan máselesin baryp kórgennen soń aıtamyz. Osy alty aýdandaǵy áleýmettik sala, ıaǵnı balabaqsha, mektepterdi aralap qarap shyqtyq. Jumys óziniń grafıgi boıynsha kele jatyr. Qarjy tolyǵymen keldi. Sapasy óte durys. Eshqandaı narazylyq joq.