AQSH 2022 jyly Qytaıdyń Beıjiń qalasynda ótetin qysqy Olımpıada oıyndaryna dıplomatıalyq túrde boıkot jarıalady.

Aq úı Qytaıdaǵy adam quqyqtaryna qatysty alańdaýshylyqqa baılanysty oıyndarǵa resmı delegasıa jiberilmeıtinin aıtty.

Biraq AQSH sportshylar jarysqa qatysa alatynyn jáne úkimettiń tolyq qoldaýyna ıe bolatynyn málim etti.

Al Qytaı tarapy boıkot jarıalanǵan jaǵdaıda "qatań qarsy sharalardy" qoldanatynyn málimdedi.

Aq úıdiń baspasóz hatshysy Djen Psakı dúısenbide boıkot jarıalanatynyn rastaǵan.

"AQSH-tyń dıplomatıalyq nemese resmı ókildigi QHR-dyń [Qytaı Halyq Respýblıkasynyń] Shyńjańdaǵy adam quqyqtaryn óreskel buzýy men qatygezdigi jaǵdaıynda bul oıyndardy ádettegideı bıznes retinde qarastyrady" dedi ol. 

Buǵan deıin Vashıngtonnyń Beıjiń Olımıpıadasyna boıkot jarıalamaq jospary bar ekeni habarlanǵan.

Halyqaralyq uıymdar jáne kóptegen demokratıalyq elder Qytaıdy "Shyńjań avtonomıasynda turatyn uıǵyr, qazaq sıaqty musylman azshylyqtarǵa genosıd jasady" dep aıyptaıdy.

Sonymen qatar, sońǵy ýaqytta Beıjińniń Gonkongtaǵy saıası bostandyqtardy basyp-janshý áreketine qatysty da shıelenis kúsheıdi.