Atyraý oblysynda jumys saparymen júrgen Qazaqstan Prezıdenti Nursultan Nazarbaev birqatar óndiris nysandaryn aralady. Bul týraly "Qamshy" portaly  QazAqparatqa silteme jasaı otyryp habarlaıdy.  

Elbasy «PKF Kontınent Ko LTD» JSHS-nyń optıkalyq kabel shyǵaratyn zaýytynda boldy.

Memleket basshysy kásiporyn ujymyn nysannyń iske qosylýymen quttyqtap, óńirde ındýstrıalyq salany damytýdaǵy onyń mańyzyn atap ótti.

Zaýyt jumysshylary ónerkásip jáne óńdeý salalaryna qoldaý kórsetip otyrǵany úshin Qazaqstan Prezıdentine alǵys aıtty.

 "PKF Kontınent Ko LTD" JSHS Indýstrıalandyrý kartasyna engen jáne «Bıznestiń jol kartasy» baǵdarlamasy boıynsha sýbsıdıa alady. Jobanyń qýaty jylyna 5 000 shaqyrymdyq kabel shyǵarýǵa eseptelingen.

Elbasy sondaı-aq munaı ónerkásibi úshin jabdyqtardy jóndeýmen aınalysatyn «Atyraýmunaımash» zaýytyna bardy.

Zaýyt jumyskerleri Qazaqstan Prezıdentine ónerkásip jáne qaıta óńdeý salalaryna kórsetip otyrǵan qoldaýy úshin alǵysyn bildirdi.

Memleket basshysy búgin Atyraý, Mańǵystaý, Batys Qazaqstan jáne Aqtóbe oblystary ákimderimen keńeıtilgen  keńes ótkizedi dep josparlanyp otyr.