Qazaqstanda «Bıznestiń jol kartasy-2020» baǵdarlamasy aıasynda «Damý» qory 1,8 mlrd teńgege 688 óteýsiz grant bóldi. Bul týraly qordyń Astana qalasyndaǵy fılıalynyń dırektory Islambek Qaıyrbekov baspasóz týry kezinde aıtty, dep habarlaıdy BNews.kz tilshisi

 «1,8 mlrd teńgege 688 grant berildi, onyń ishinde Astana qalasynda 56 mln teńgeniń 19 granty bólindi», - dedi ol.

Granttardyń basym bóligin shaǵyn jáne orta bıznes kásipkerleri aldy, olardyń arasynda ekonomıkanyń basymdyqty salalarynda, óńdeýshi ónerkásipte jańa bıznes ıdeıalardy júzege asyrǵysy keletin jastar, áıelder, múgedekter men 50-den asqan adamdar boldy.

«Eger bul jobalar aýyldyq eldi mekenderde, shaǵyn nemese monoqalalarda iske asyrylatyn bolsa, qaı sala bolsa da, qoldaý kórsetiledi», - dep naqtylady I.Kaıyrbekov.

Sondaı-aq ol bıylǵy jyly sýbsıdıalaý boıynsha 57 ótinim maquldanyp, «Damý» qorynyń kepildigimen 30-dan astam joba kredıt alǵanyn atap ótti.