QR Prezıdenti Nursultan Nazarbaev Qazaqstanda tigilgen kıim men aıaq kıim kıedi. Bul týraly "Qamshy" portaly QazAqparatqa silteme jasaı otyryp habarlaıdy.
«Barlyq óńirlerde shaǵyn jáne orta bıznesti damytý kerek. Bizde buryn bolmaǵan óndiris oryndaryn ashý arqyly osy salada tıimdi jumystar atqaryp jatyrmyz. Alaıda, biz de otandyq óndiristi qoldaýymyz kerek. Mysaly, men Qazaqstanda tigilgen kostúm kıem, aıaq kıimim de óz elimizde tigilgen. Ózimizdiń jeńil ónerkásibimizge osylaı jarnama jasaımyn», - dedi Nursultan Nazarbaev Aqtóbe, Atyraý, Batys Qazaqstan, Mańǵystaý oblystarynyń ákimderimen bolǵan jıynda.
Sondaı-aq, Elbasy búgingi tańda elimizde sapaly otandyq taýarlardy óndirý kólemin arttyrý boıynsha jumystar atqarylyp jatqanyn aıtty.
