Búgin Ortalyq komýnıkasıalar qyzmetiniń alańyndaǵy baspasóz máslıhaty qysqy maýsym kezeńindegi jylytý máselesiniń jaı-kúıine arnaldy. Taqyrypqa qatysty BAQ ókilderiniń aldyna pikir bildirýge kelgen Energetıka mınıstrliginiń Atom jáne energetıkalyq qadaǵalaý men baqylaý komıteti tóraǵasy Suńǵat Esimhanov elimizdegi energıa óndirý kórsetkishi 63,1 mlrd kVtsaǵ. quraǵandyǵyn aıtty. Bul týraly "Qamshy" portaly Baq.kz –ke silteme jasaı otyryp habarlaıdy.
- Aǵymdaǵy jyldyń 18 qyrkúıegine deıingi jaǵdaı boıynsha respýblıka kóleminde óndirilgen elektr energıasynyń kórsetkishi 63,1 mlrd kVtsaǵ. qurady. Muny ótken jyldyń sáıkes kezeńimen salystyrǵanda qalypty jaǵdaı retinde baǵalaýǵa bolady. Al endi óndirilgen ónimniń tutyný mólsheri – 63,2 kVtsaǵatqa teń bolyp otyr, - dedi Suńǵat Qýatuly.
Jalpy alǵanda elimizdiń elektr energetıkalyq júıesi tutas turaqty ári qalypty jaǵdaıda Reseı Federasıasy men Azıa elderi energetıkalyq júıelerimen qatarlasa qyzmet kórsetýde dep aıtýǵa tolyq negiz bar.
