"AQSH Kentýkkı shtatyndaǵy qalalardy qıratqan qýatty tornadodan qaza tapqandar sany 100-den asýy múmkin" dep málimdedi gýbernator Endı Beshır. Ol aman qalǵandardy tabýǵa úmit azaıyp bara jatqanyn aıtady.

Beshır bul – shtat tarıhyndaǵy eń joıqyn tornado oqıǵasy ekenin aıtyp, kem degende 80 adam qaıtys bolǵanyn jetkizdi.

Taǵy tórt shtatta on tórt adam qaıtys bolǵan.

Prezıdent Djo Baıden Kentýkkıde iri federaldy apat jarıalap, federaldy kómekti eń aýyr zardap shekken aýdandarǵa jetkizýdi buıyrdy.

Qutqarýshylar tiri qalǵandardy izdestirý jumystaryn júrgizdi, al toptar turǵyndarǵa sý men generatorlardy taratyp berdi. Ulttyq gvardıanyń 300-den astam qyzmetkeri úı-úıdi aralap, qoqystardy shyǵarýmen aınalysty.