AQSH-ta bolǵan tornado Kentýkkı jáne oǵan kórshiles shtattardy sharpydy. Illınoıs shtatynda tornado ǵımarattardy qıratqan. Illınoıstaǵy bir qoımada alty jumysshy qaza tapqan soń, Amazon kompanıasyn densaýlyq pen qaýipsizdik saıasatyna qatysty aıyptap jatyr.

"Eger olar ónimdilikten góri ómirdi oılasa, bul (adam qazasy - red) eshqashan bolmas edi" dep túsindirdi zardap shekkenderdiń biriniń ápkesi áleýmettik jelide.

Kompanıanyń málimetinshe, Amazon komandasy tornado kezinde jumys istegen.

Adamdar bolǵan qoıma shatyry soqqan daýyl saldarynan opyrylyp túsken.

Amazon ókili Kellı Nantel málimdemesinde kompanıa qazaǵa baılanysty "qatty qaıǵyratynyn" aıtty.

Qaıtys bolǵandardyń biri, 29 jastaǵy Kleıton Koýp, Illınoıs shtatynyń Edvardsvıll qalasynda alapat quıyn ǵımaratqa kelgenge deıin otbasymen telefon arqyly sóılesken.

Kleıtonnyń anasy Karla ulyna tornado jaqyndaǵanyn eskertý úshin qońyraý shalǵanyn aıtty.

"Biz oǵan daýyl sol jaqqa qaraı bet alǵanyn, tez jasyryný kerektigin aıttyq" deıdi Karla.

AQSH áskerı-teńiz kúshterinde daıyndyqtan ótken Kleıton anasyna aldymen áriptesterine eskertetinin aıtqan.