Bıyl jetisýlyq qyzylshashylar ónimderin qaıda, qalaı ótkizý, taban et mańdaı terleriniń óteýine qol jetkizý týraly bas qatyrmaıdy. Bul týraly "Qamshy" portaly Aıqynǵa silteme jasaı otyryp habarlaıdy.

Endi biraz ýaqyttan soń jıyn-terimge kirisetinderdiń buıyrǵan ónimin qabyldaýǵa daıyndyqqa  erte kóktemnen bastap kirisken Kóksý qant zaýytyndaǵylar alǵashqy 10-12 myń tonna shıkizattyń jetkizilýin kútip, bilekterin sybanyp otyr. 

Kásiporyn dırektory Altynbek Aba­tovtyń aıtýynsha, qazirgi kezde munda eki júzden astam adam eńbek etý­de. Qaıta óńdeý naýqany bastal­ǵan­da, jergilikti turǵyndar qata­ry­nan taǵy 600 kisi eki qolyna bir kúrek ta­­bady. Sońǵy jyldary birqatar ma­man­dyqtar boıynsha tapshylyq se­zilgen edi, kásiporyndaǵy baıyrǵy ma­mandardyń kómegimen jastardy oqy­typ-úıretýden ótkizgennen keıin bul másele de oń sheshimin taýypty. Eń­bekaqy da ýaqytynda tólenedi, áleý­mettik kepildikter de zań tala­by­na saı oryndalady. 
Zaýytta bir aýysymda eki myń ton­na tátti túbirdi qaıta óńdeýden ót­kizýdiń múmkindigi bar. Jalpy, bıyl­ǵy kúzde 100 myń tonna qant qy­­­zylshasyn qaıta óńdeýden ótkizip, 12 myń tonna sapaly qant alý jos­parlanypty. Bizdiń óńirde ósirilgen qant qyzylshasynan, osy jerde óń­delip alynǵan daıyn ónimniń sapasy asa joǵary, suranys ta kóp. Sondyq­tan kóksýlyq qantty ózimizde ǵana emes, Reseı men Qyrǵyzstanda da asy­ǵa kútip otyrǵan iri tutynýshylar qa­tary barshylyq. 
Birinshi bolyp Sarqan aýda­nyn­daǵy sharýalar tátti túbir jınaýǵa ki­risedi. Qazan aıy týysymen, basqa aý­dandaǵylar da alqapqa shyǵady. Aman­­dyq bolyp, barlyǵy josparda­ǵy­daı júzege assa, dıqandar ónim­de­rin ótkizgennen keıin úsh kúnnen soń tapsyrǵan shıkizatynyń aqshasyn ala alady. Bul týraly kóktemde qy­zyl­shashylar men qaıta óńdeýshiler­diń alqaly basqosýynda oblys ákimi Amandyq Batalov pen qant zaýy­ty­nyń ınvestory Nurlan Tileýbaev óza­ra kelisimge kelgen bolatyn. Bu­ryn­dary úsh aıda tıesili aqshalaryn áreń alatyndar bıylǵy jańalyq oı­daǵydaı júzege assa, keler jyldan bas­tap qant qyzylshasyn ósiretin al­qaptar aýqymyn arttyrady degen úmit te úlken. Bastysy – aldaǵy kúzgi ná­tıje. Zaýyt basshylyǵy da tabys­syz qalmaımyz dep otyr. Olar ús­ti­mizdegi jyldyń kirisiniń basym bó­li­gin kásiporynda odan ary jetildirýge, jań­ǵyrtýǵa salmaq.