Salaǵa jeke ınvestısıalardy tartý úshin Qazaqstanda temirjol jolaýshylar tasymalynda sýbsıdıalaý tetikterin ózgertý josparlanyp otyr. Bul týraly búgin Astanada temirjol kóligin damytýǵa arnalǵan keńeste QR IDM Kólik komıteti Temirjol kóligi basqarmasynyń basshysy Nurbek Qabıjan málim etti. Bul týraly "Qamshy" portaly QazAqparatqa silteme jasaı otyryp habarlaıdy.
Onyń sózine qaraǵanda, jańa jolaýshylar vagondaryn alý úshin tasymaldaýshylardyń zaemdyq qarjysy esebinen temirjol jolaýshy kóligine ınvestısıa tartýdyń tetigin jasaý maqsatynda zańnamaǵa ózgerister engizýdiń qajettigi týyndaýda.
Osyǵan baılanysty birinshi kezekti is-qımyldardyń 2015 jylǵa arnalǵan josparyna sáıkes, ınvestısıa tartýdyń quqyqtyq sharttaryn jasaý turǵysynda tıisti zań jobasy ázirlendi.
Atalǵan qujatta jolaýshylardy tasymaldaýdy sýbsıdıalaý tetigine ózgerister engizý men negizgi aktıvterdi jańartýdyń uzaq merzimdi negizdegi normatıvtik-quqyqtyq sharttaryn jasaý qarastyrylǵan.
«Sýbsıdıalaý tetigin ózgertý qarjylandyrýdyń ashyqtyǵyn arttyrady, sondaı-aq tasymaldaýshylarǵa jyl saıyn shamamen 150 jańa vagon satyp alýyna jáne bir jylda 25 mlrd. teńge ınvestısıa tartýyna múmkindik ashady», - dedi N. Qabıjan.
