«Bıznestiń jol kartasy-2020» baǵdarlamasynyń arqasynda Jambyl oblysynyń Sarysý aýdanynan shyǵatyn ónim kólemi 106%-ǵa jetken. Bul týraly "Qamshy" plortaly Baq.kz -ke silteme jasaı otyryp habarlaıdy.

Oǵan úles qosyp júrgenderdiń biri Baqytjan Tamaev. Ol memleket kórsetken qoldaýdyń arqasynda plasık esik-tereze shyǵaratyn qosymsha seh ashyp alǵan. Qazir shaǵyn kásiporyn jergilikti suranysty qamtamasyz etip otyrǵan birden bir keshen. «FTM» jaýapkershiligi shekteýli seriktestiginde qurylysqa qajetti zattar daıyndalady. Munda úı jıhazdary, temirden qaqpa, sharbaq jasaıtyn birneshe seh jumys isteıdi. Sońǵy kezderi plasık materıaldan jasalatyn qurylys zattarǵa suranys joǵary bolǵandyqtan kásipker osyǵan den qoıǵan. Memlekettik baǵdarlamamen jeńildetilgen nesıe alyp, qajettiniń bárin aldy.

Baqytjan Tamaev, kásipker: - Bıyl taǵy da osy bankterden týra osy baǵdarlama boıynsha 10%-y sýbsıdıalanatyn 12,8 mıllıon nesıe aldyq. Qytaı memleketinen qural-jabdyqty alyp keldik. Júrgizip jatyrmyz. Shetelden ákelgen zamanaýı qurylǵy jartylaı avtomattandyrylǵan. Qytaılyq mamandar jergilikti jumysshylardy bir aptadaı oqytyp, tehnıkanyń tilin úıretken. Qazir mundaǵy jumysshylar otandyq ónim shyǵaryp, jergilikti suranysty qamtamasyz etip otyr. Qazir shaǵyn sehta kúnine 10-nan astam esik-terezege deıin daıyndalady. Tapsyrys tússe, ónim kólemin eki eseleýge múmkindik bar. Jalpy aýdanda shaǵyn jáne orta kásipkerlikti damytý baǵytynda eńbek etip jatqan 1256 jeke kásipker, 95 jaýapkershiligi shekteýli seriktestik, malsharýashylyǵymen aınalysatyn 529 sharýaqojalyq bar.

Jumat Sahypbekov, Sarysý aýdandyq kásipkerlik jáne ónerkásip bóliminiń basshysy: - Aýdandaǵy jalpy shaǵyn jáne orta bıznestiń búgingi kúnge jyl basynan bergi 8 aıdaǵy ónim kólemi 1 mlrd 715 mıllıon teńgeni qurap otyr. Bul byltyrǵy jylmen esepti kezeńmen salystyrǵanda 106%-dy qurady. Sońǵy eki jylda Sarysý aýdanynda «Bıznestiń jol kartasy-2020» baǵdarlamasy boıynsha 17 joba iske asyryldy. Oǵan 135 mıllıon teńge nesıe berilgen.