Qazaqstanda Elbasynyń bastamasymen júzege asqan «Mádenı mura» baǵdarlamasy aıasynda 160 tom kitap jalpy taralymy 350 myń taralymmen shyǵaryldy. Búgin Ortalyq komýnıkasıalar qyzmetinde ótken brıfıń barysynda QR Ulttyq kitaphanasynyń dırektory Álibek Asqarov osylaı málim etti. Eske sala keteıik, brıfıń «Eldiń tarıhy men mádenıeti - bolashaǵy tutas ult» taqyrybynda ótken bolatyn. Bul týraly "Qamshy"portaly QazAqparatqa silteme jasaı otyryp habarlaıdy.
«Memleket basshysy aıqyndaǵan bes ınstıtýsıonaldyq reformanyń negizgi bir baǵyty - bolashaǵy tutas ult qalyptastyrý. Al eldiń ótkendi baǵalap, ult tarıhy men mádenıetin tereń zerdelemeı turyp eldiń bolashaǵy týraly áńgime aıtý da múmkin emes», - dedi Álibek Asqarov. Onyń aıtýynsha, tarıhty zertteý, eń aldymen, kóne qoljazbalar men kitaptarǵa júginip, kitaphanalardaǵy qoljazbalarmen tynymsyz ári muqıat jumysty talap etedi.
«Osy baǵytta Almatydaǵy Ulttyq kitaphana Qazaq handyǵynyń 550 jyldyǵyn merekeleý men «Máńgilik el» patrıottyq jobasy aıasynda túrli sharalar ótkizip keledi. Aıtalyq, bıylǵy jyldyń basynan beri biz kitaphanada úlken kórme uıymdastyryp jatyrmyz, onda kelýshiler úsh myńnan astam qoljazbalarmen, sırek kezdesetin tarıhı qujattarmen, kitaptarmen tanysa alady», - dedi Á. Asqarov.
