«Nur Otan» Halyqtyq demokratıalyq partıasy Qazaqstan Respýblıkasynyń Prezıdenti N.Nazarbaevtyń «Qazaqstannyń áleýmettik jańǵyrtylýy: Jalpyǵa Ortaq Eńbek Qoǵamyna qaraı 20 qadam» atty baǵdarlamalyq maqalasynda atalyp ótilgen tapsyrmalardy iske asyrý jónindegi jumystardy belsendi jalǵasyrýda. Bul týraly "Qamshy" portaly QazAqparatqa silteme jasaı otyryp habarlaıdy.
Atap aıtqanda, búgin partıanyń aımaqtyq fılıaldarymen respýblıkalyq selektorlyq keńes ótip, kún tártibinde Elbasynyń baǵdarlamalyq maqalasynda atalyp ótilgen tapsyrmalardy iske asyrý barysy qaraldy.
«Ult kóshbasshysy, partıa Tóraǵasy Nursultan Ábishuly Nazarbaevtyń súıenishi retinde «Nur Otan» úshin bul tapsyrmany júzege asyrý jáne onyń oryndalýyn barlyq partıalyq uıymdar kúshterimen baqylaý qazirgi tańda negizgi basty basymdyǵy bolyp tabylady. Alǵashqy jedel uıymdastyrýshylyq sharalary aıasynda barlyq 16 aımaqta partıanyń Saıası keńesteriniń otyrystary, sonymen qatar barlyq deńgeıdegi máslıhattardaǵy «Nur Otan» HDP fraksıalarynyń otyrystary ótkizildi. Onda baǵdarlamalyq maqalanyń iske asyrylý formalary men mehanızmderi jáne keshendi is-áreket jospary talqylandy», - delingen baspasóz baıanynda.
Aqparatqa súıensek, Elbasy bastamasyn talqylaý barysynda áleýmettik jańǵyrtý boıynsha baǵdarlamalardy júzege asyrýǵa halyqty tartý jónindegi formattardy ázirleý jáne aqparattyq-nasıhat jumystaryn uıymdastyrý maqsatynda elimizdiń aımaqtarynda bastaýysh partıa uıymdarynda ashyq jıyndar ótkizilýde. Atap aıtanda, búgingi kúnge deıin 3 000-ǵa jýyq bastaýysh partıa uıymdarynda 420 000 adamdy qamtyǵan is-sharalar ótkizildi.
Sonymen qatar, selektorlyq keńeste partıa Ortalyq apparatynyń basshysy Qumar Aqsaqalov aımaqtyq fılıaldardyń esebiniń negizinde alǵashqy jedel uıymdastyrýshylyq sharalarynyń qorytyndysyn shyǵaryp, partıalyq qurylymdardyń aldyna naqty tapsyrma qoıdy. Sonyń ishinde, eń birinshi kezekte aqparattyq jáne túsindirý jumystaryna kóp kóńil bólinip otyr. Onyń maqsaty Elbasynyń baǵdarlamlyq maqalasynda qoıylǵan tapsyrmalar týraly halyqty barynsha aqparattandyrý bolyp tabylady. Sonymen birge, elimizdiń áleýmettik jańǵyrtylýyna baǵyttalǵan belsendi jumystarǵa árbir partıa múshelerin tartý isine nazar aýdarylyp otyr.
