Qazaly aýdanynda bilim berý uıymdary elektrondy oqytý júıesine kóshedi. Bul týraly bilim berý sapasyn arttyrý jáne negizgi kórsetkishterdi kúsheıtý jóninde májiliste belgili boldy. Qazirgi tańda bul júıe boıynsha birqatar mektepter eksperıment retinde jumys jasap jatyr. Al osy oqý jyly №16, 170, №216, №226, №190 mektepter atalmysh júıege kóshedi dep kútilýde. Elektrondy oqytý júıesi engen bilim berý uıymdary qajetti jabdyqtarmen: monobloktar, ınternet jelisi, kompúterlik tehnıka, ınteraktıvtik jabdyqtarmen qamtamasyz etý jumystary júrgizilýde, dep habarlaıdy oblystyq ákimdiktiń baspasóz qyzmeti. Bul týraly "Qamshy" portaly QazAqparatqa silteme jasaı otyryp habarlaıdy.

Budan ózge jıyn barysynda bilim sapasyn arttyrý, ulttyq biryńǵaı testileýge oqýshylardyń 100 paıyz qatysýyn qamtamasyz etý, tárbıe jumystary, jas mamandardy jumysqa tartý, kadrlardyń biliktilikterin arttyrý máseleleri talqylandy. Sondaı-aq, bilim berýdi damytýdyń 2011-2020 jyldarǵa arnalǵan memlekettik baǵdarlamasy men «Balapan» baǵdarlamasynyń oryndalý barysy da baıandaldy.

Aýdan ákimi Najmadın Shamuratov atalǵan máselelerge qatysty mektep basshylary men ustazdar qaýymyna birqatar tapsyrmalar berip, «bilekke emes, bilimge senetin zamanda» oqýshylardyń sapaly bilim alýyna jaýapkershilikpen qaraýdy tapsyrdy.