Áleýmettik jeli paıdalanýshylardyń esinde bolar, jazdyń shilde aıynda úsh er adam qasqyrdyń bóltirikterin aıaýsyz qyryp jatqan vıdeosy shyqqan bolatyn. Jambyl oblysy Moıynqum aýdanynyń Tabıǵatty qorǵaý polısıasy bóltirikterdi qorlap óltirgen er adamdardy tapty. Bul týraly «Qamshy» portaly Jambyl oblystyq İİD baspasóz qyzmetine silteme jasaı otyryp habarlaıdy.
Ustalǵan eki turǵynnyń biriniń jasy 19-da, al ekinshisi 22 jasta. Tergeý barysynda olar kinálaryn moıyndaǵan. Olardyń ústinen qylmystyq is qozǵaldy. Baspasóz qyzmetindegiler olarǵa iri kólemde aıyppul salynýy múmkin (500 AEK - shamamen 1 mıllıon teńge) nemese toqsan kúnge deıin qamaýǵa alynady dep málimdeme bergen.
