Soltústik Qazaqstan oblysynda 2015 jyly «Bıznestiń jol kartasy 2020» memlekettik baǵdarlamasyn iske asyrý aıasynda shaǵyn jáne orta bıznesti qoldaýǵa 800 mln teńge bólindi. Bul týraly "Qamshy" portaly Qazaqparatqa silteme jasaı otyryp habarlaıdy.

Soltústikqazaqstandyqtar negizinen júk jáne jolaýshylar tasymaly men taǵam ónimderi óndirisi salasyndaǵy kásiporyndardy ashady. Jumys istep turǵan barlyǵy 32 myń bıznes sýbektileri bar. Memleket elimizdiń taýar óndirýshilerin únemi qoldap keledi. Jańa ekonomıkalyq saıasat jaǵdaıynda da ózinen bul mindettemeni alǵan emes,  jyl basynan bastap baǵdarlama boıynsha óńirdiń 60-tan astam kásipkeri jalpy somasy 2 mlrd. teńgege sýbsıdıa aldy.

 «Jańa ekonomıkalyq saıasat jaǵdaıynda bıznesti qoldaý asa ózekti. Baǵdarlama burynǵysha áreket etýde. Bıyl ony iske asyrýǵa  óńirde 800 mln teńge bólindi. Osy baǵdarlama aıasynda 143 kásipkerdiń ótinishi qanaǵattandyryldy. Olardyń 89-y -sýbsıdıalaý. Budan basqa, osy baǵdarlama aıasynda kepildikti qamtamasyz etý bolmaǵan nemese jetpegen kezde de kredıtke kepildik beriledi. Bıyl somasy 671 mln. teńgege 46 kepil berildi», - dep habarlady SQO kásipkerlik jáne týrızm basqarmasy basshysynyń orynbasary Quralaı Jarova.

Sondaı-aq bıyl óńirdiń 6 kásipkeri óz ınovasıalyq jobalaryn iske asyrýǵa grant aldy. Olarǵa jalpy somasy 10 mln teńge bólindi.