[caption id="attachment_5773" align="aligncenter" width="240"] sýret tengrinews.kz saıtynan[/caption]

Almatydaǵy "Praım Plaza" oıyn-saýyq kesheninde bolǵan tártipsizdikterge qatysty qozǵalǵan eki qylmystyq is boıynsha Almatynyń aýdanaralyq kámeletke tolmaǵan dar isi jónindegi mamandandyrylǵan soty eki jasóspirimge úkim shyǵardy dep habarlaıdy today.kz.

Sot qylmystyq isterde aıypker dep tanylǵan 16 jastaǵy Rýslan K. men 18 jastaǵy Amanjol Q. esimdi eki jas azamattyń bostandyǵyn eki jyl merzimge shekteý jazasyn taǵaıyndaǵan. Tártipsizdik jasalǵan kezde Amanjoldyń jasy 18-ge tolmaǵandyqtan onyń ústinen qozǵalǵan qylmystyq is kámeletke tolmaǵandar isi jónindegi arnaıy sotta qaralǵan.

Ekeýi de sot kezinde óz aıyptaryn moıyndap, jasaǵan isterine ókinetinderin aıtqan. Sot sheshimine sáıkes, endi ekeýine de saǵat 23.00-den soń oıyn-saýyq oryndaryna barýǵa, turǵylyqty jerin ózgertýge nemese qadaǵalaý organynyń ruqsatynsyz basqa jaqqa ketip qalýǵa tyıym salynady.

Buǵan deıin osy iske qatysty taǵy bir jasóspirimge dál osyndaı jaza berilgen edi - dep habarlady azattyq.org

Almatydaǵy "Praım Plaza" oıyn-saýyq kesheninde bıyl 31 tamyzda ánshi Qaırat Nurtas qatysqan konserttiń sońy jappaı tártipsizdikke, jastardyń polısıamen qaqtyǵysyna ulasqan edi. Sol kúni polısıa bólimshesine 165 adam jetkizilip, onyń birazy aldyn ala tergeýden keıin bosatylǵan. Keıin Almaty qalalyq ishki ister departamenti "tártipsizdikterdi bastady, kólik tonady" degen kúdikpen birneshe adamdy tutqyndaǵanyn habarlaǵan.

Oqıǵaǵa baılanysty qylmystyq kodekstiń "buzaqylyq" jáne "tonaý" baptary boıynsha qylmystyq is qozǵalǵan. Sonymen birge, konsertti uıymdastyrýshylardyń ústinen "mindetterine jaýapsyz qarady" degen bap boıynsha is qozǵalǵan edi.