"AQSH prezıdenti Djo Baıden Reseı prezıdenti Vladımır Pýtınmen Ýkraına daǵdarysyn talqylaý úshin samıt ótkizýge negizinen kelisti" dep habarlady Ál-Jazıra telearnasy.

Aq úıdiń aqparatyna sáıkes, Fransıa usynǵan kelissózder Reseı óz kórshisine basyp kirmegen jaǵdaıda ǵana ótedi. 

"Kezdesý Eýropanyń sońǵy onjyldyqtardaǵy eń iri  qaýipsizdik daǵdarysyna yqtımal dıplomatıalyq sheshim usyna alady" dep kútilýde.

AQSH sheneýnikteri "Reseı áskerı operasıany bastaýǵa daıyn" dep boljaıdy, al, Máskeý muny joqqa shyǵarady.

Bul usynys Fransıa prezıdenti Emmanýel Makron men Pýtın úsh saǵatqa sozylǵan telefondaǵy eki retki sóılesýden keıin jarıalandy.

Sonymen qatar Makron  Baıdenmen 15 mınýttyq suhbat ótkizdi.

Makronnyń keńsesi yqtımal samıttiń egjeı-tegjeıleri beısenbi kúni bolatynyn jarıalady. Ol Beısenbi kúni AQSH Memlekettik hatshysy Antonı Blınken men Reseı syrtqy ister mınıstri Sergeı Lavrov arasyndaǵy kezdesýde mańyzdy dıplomatıalyq máseleler talqylanatynyn aıtty.