Amerıka Qurama Shtattary Birikken Ulttar Uıymyna Reseı Ýkraınaǵa basyp kirgen jaǵdaıda adam quqyqtarynyń óreskel buzylý qaýpi týraly senimdi aqparat bar ekenin aıtty.

Vashıngtonnyń aqparatynsha, Reseı adam urlaý nemese azaptaý sıaqty qıanat jasaýy múmkin.

Sonymen qatar, Fransıa prezıdenti Emmanýel Makron AQSH prezıdenti Djo Baıden men reseılik áriptesi Vladımır Pýtın kezdesýge keliskenin málimdedi.

"AQSH prezıdenti Djo Baıden Reseı prezıdenti Vladımır Pýtınmen Ýkraına daǵdarysyn talqylaý úshin samıt ótkizýge negizinen kelisti" dep habarlady Ál-Jazıra telearnasy.

Aq úıdiń aqparatyna sáıkes, Fransıa usynǵan kelissózder Reseı óz kórshisine basyp kirmegen jaǵdaıda ǵana ótedi.

"Kezdesý Eýropanyń sońǵy onjyldyqtardaǵy eń iri qaýipsizdik daǵdarysyna yqtımal dıplomatıalyq sheshim usyna alady" dep kútilýde.

AQSH sheneýnikteri "Reseı áskerı operasıany bastaýǵa daıyn" dep boljaıdy, al Máskeý muny joqqa shyǵarady.

Bul usynys Fransıa prezıdenti Emmanýel Makron men Vladımır Pýtın arasyndaǵy telefon arqyly úsh saǵatqa sozylǵan áńgimeden keıin jarıalandy.

Sonymen qatar Makron  Baıdenmen 15 mınýttaı áńgimelesti.

Makron keńsesi yqtımal samıttiń egjeı-tegjeıleri beısenbi kúni bolatynyn jarıalady. Ol beısenbi kúni AQSH Memlekettik hatshysy Antonı Blınken men Reseı Syrtqy ister mınıstri Sergeı Lavrov arasyndaǵy kezdesýde mańyzdy dıplomatıalyq máseleler talqylanatynyn aıtty.