Fransıa prezıdenti Emmanúel Makron AQSH pen Reseı basshylarynyń kezdesýin uıymdastyrýǵa shaqyrdy. Talaptar usynysty qabyldap, Reseı Ýkraınaǵa basyp kirmese, taıaý kúnderi samıt ótedi, dep jazdy nemistiń dw.com basylymy.

Makron qos taraptyń basshylarymen telefon arqyly sóılesip, eki jaqtyń kelisimin alǵan. Kezdesý barysyn 24 aqpanda AQSH memlekettik hatshysy Entonı Blınket men Reseı Syrtqy ister mınıstri Sergeı Lavrov kezdesý kezinde ázirleıdi.

Resmı Parıj samıtti Reseı Ýkraınaǵa basyp kirmegen jaǵdaıda ǵana ótkizý múmkin ekenin aıtady.

Sońǵy birneshe táýlikte Reseı-Ýkraına konflıkti ushyǵa tústy. OBSE-niń arnaıy monıtorıńtik mısıasy 19 aqpan kúni ǵana oq atýdy toqtatý rejımi 1500 ret buzylǵanyn málim etken. Baıden Krem Kıevti basyp kirý týraly sheshimdi qabyldap qoıǵan dep sanaıdy.

Batystyq arnaıy qyzmet dereginshe, Reseı-Ýkraına shekarasy mańynda Máskeýdiń 150 myń áskeri ornalastyrylǵan. Kreml bolsa, basqynshylyq jasaýdy josparlap otyrmaǵanyn aıtady.