Reseı prezıdenti Vladımır Pýtın óziniń ıadrolyq kúshteri joǵary daıyndyqta ekenin málimdegen bolatyn.
Halyqaralyq qaýymdastyq Pýtınniń bul áreketin aıyptady.
"Ol qazirgi ýaqytta Pýtınniń jalǵyz jaqyn dosy Belarýs prezıdenti ekenin umytpaıdy... Ol tarıhtyń durys emes jaǵynda ekenin túsinýi kerek" deıdi Ulybrıtanıa qorǵanys mınıstri Ben Ýolles.
Onyń aıtýynsha, Ulybrıtanıa Reseıdiń ıadrolyq ustanymyndaǵy ózgeristi kórip turǵan joq.
Sózinshe, Ulybrıtanıa da ıadrolyq derjava jáne Pýtın ıadrolyq qarýǵa qatysty kez kelgen nársege Batystyń teń nemese kóbirek jaýap beretinin biledi.
Ben Ýollestiń pikirinshe, Ulybrıtanıa ıadrolyq jaǵdaıdy ýshyqtyrý úshin eshteńe jasamaıdy. Ýolles "bul rıtorıka shaıqasy jáne biz ony durys basqaratynymyzǵa kóz jetkizýimiz kerek" deıdi.
Pikir qaldyrý