Búgin Úkimet úıindegi otyrystan soń, Ortalyq komýnıkasıalar qyzmetiniń alańynda BAQ ókilderine arnap brıfıń ótkizgen Premer-mınıstrdiń birinshi orynbasary Baqytjan Saǵyntaev elimizdiń sharýalaryn qoldaý maqsatynda Úkimet 421 myń tonna janar-jaǵarmaıdy jeńildetilgen baǵamen úlestirgendigin aıtty. Bul týraly Qamshy portaly Baq.kz –ke silteme jasaı otyryp habarlaıdy.

- El ekonomıkasynyń turaqtylyǵyn saqtaýda jáne halyqtyń ál-aýqatynyń jaqsarýyna orasan zor septigin tıgizetindikten el Úkimeti qazirgi tańda otandyq sharýalarǵa múmkindiginshe kómek qolyn sozyp keledi. Tipti, osy maqsatta búgingi kúnge deıin 60 mlrd teńgege jýyq qarjylaı qoldaý kórsetip, memleket tarapynan jeńildetilgen baǵamen 421 myń tonna janar-jaǵarmaı ónimderin úlestirdi, - dedi Baqytjan Ábdiruly.

Sonymen qatar, brıfıń barysynda BAQ ókilderiniń saýaldaryna jaýap bergen Úkimet músheleri aǵymdaǵy jylda kúzgi jıyn-terim ýaqytyly ári tabysty aıaqtalady dep josparlanyp otyrǵandyǵyn tilge tıek etti.

- Ózderińiz bilesizder bıyl elimizde kóktemgi mezgildiń kesheýildep kelýine oraı, egin egý naýqany da jyldaǵy kezeńmen sáıkes bastala qoımady. Osyǵan oraı, bizdiń jıyn-terim naýqanymyz da ádettegi merzimde aıaqtalady deı almaımyz. Alaıda, endigi úmitimiz aýa-raıynyń oń qabaq tanytýyna baılanysty bolyp tur. Iaǵnı, kúz aılaryndaǵy árbir kúnimiz neǵurlym jaýyn-shashynsyz, jaımashýaqty bolǵan saıyn qambamyz astyqqa tola túsetini sózsiz, - dedi ol óz sózinde.