"Aqpan aıynda Mamaı qańtarda janarmaı baǵasynyń ósýine qarsy demonstrasıaǵa shyǵyp, qazaqstandyq kúshtik qurylymdardyń qolynan qaza tapqan demonstranttardy eske alý maqsatynda ruqsat etilmegen mıtıńti uıymdastyrǵany úshin 15 táýlikke qamalǵan. 12 naýryzda bostandyqa shyǵýy kerek bolǵan Mamaı onyń ornyna jańa qylmystyq aıyp boıynsha 14 naýryzda sot sheshimimen eki aıǵa qamaýǵa alyndy. Ol quqyqqorǵaý organy qyzmetkerin qorlady, "jalǵan aqparat" taratty dep aıyptalyp otyr. Eger sottalatyn bolsa, úsh jylǵa bas bostandyǵynan aırylý qaýpi tónip tur" degen uıym ókili Svetlana Vorobeva bul aıyptaýlarǵa Qazaqstan bıligi ózin synaýshylardyń únin óshirý úshin jıi júginetin zańdar negiz bolyp otyrǵanyn aıtady.
"Bılik ókilin qorlady" degen aıyp boıynsha Mamaıdyń ústinen qozǵalǵan alǵashqy is 2021 jylǵy qyrkúıekte ótken ruqsat etilmegen mıtıńtegi oqıǵalarǵa súıenedi. Ol jerde Mamaı polıseıler ony jerge qulatyp, ekinshi belsendini ustaǵanda "satqyn" dep ataıdy delingen. Qazaqstan beıbit jıyndardy qatty shekteıdi, al beıbit jıyndar týraly zań halyqaralyq standarttardan aıtarlyq artta qalǵan. Ekinshi is Mamaı qarjy naryǵyn retteý jáne damytý agenttigi ókilderimen kezdesýi týraly áleýmettik jelidegi translásıalarynda "jalǵan aqparat" taratty degen aıyp boıynsha qozǵalǵan. Agenttik 2021 jylǵy jeltoqsanda Mamaı "óziniń saıası maqsattary" úshin "kredıttik amnıstıa" týraly jalǵan aqparat taratty dep málimdedi. Onyń aýzyn jabý oıymen Qazaqstan bıligi ádette basqasha oıdy turshyqtyrý úshin qoldanatyn zańdy paıdalandy. Osy aıda Qazaqstan prezıdenti Qasym-Jomart Toqaev "Jańa Qazaqstan" qurýǵa, saıası partıalardy tirkeý prosedýrasyn lıberalızasıalaýǵa ýáde bergen. Eger Qazaqstanda shynymen de ashyq saıası júıe jasalatyn bolsa, ol Mamaıdyń quqyǵyn qurmetteýden bastalýǵa tıis. Bılik oǵan qarsy qoldan uıymdastyrylǵan aıypty alyp tastap, ony bosatýy kerek" delingen Human Rights Watch habarlamasynda.
Pikir qaldyrý