«İle» oqý-jattyǵý ortalyǵynda jáne Qurlyq áskerleri Áskerı ınstıtýtynyń polıgonynda Qazaqstan men Túrkıa Qarýly Kúshteriniń «Qabylan joly - 2015» birlesken halyqaralyq oqý-jattyǵýy márege jetti. Bul týraly Qamshy portaly Qazaqparatqa silteme jasaı otyryp habarlaıdy.

On kún ishinde eki eldiń arnaıy maqsattaǵy bólimsheleri, QR QK Áýe qorǵanysy kúshteriniń avıasıasy sodyrlardyń shartty bazasyn joıý, oq atýlardy, 3 000 - 4 000 metr bıiktikten parashútten sekirýdi oryndady, sondaı-aq 50 shaqyrymdyq marsh jasady.   Barlyǵy praktıkalyq epızodtarǵa shamamen 170 jaýynger, 20-ǵa jýyq birlik avtomobıldik jáne 10 brondy tankti tehnıka, bes birlik mańdaısheptik jáne armıalyq avıasıa tartyldy, dep habarlaıdy QR QM baspasóz qyzmeti.

 Oqý-jattyǵý Áýe qorǵanysy kúshterimen ózara is-qımylda kúndizgi jáne túngi ýaqytta ótkizildi. Arnaıy maqsattaǵy bólimsheler lazerlik maqsat kórsetkishterdi qoldana otyryp, mańdaısheptik avıasıany keltirýdi júzege asyrdy. Sý-27 jaýyngerlik ushaqtarynyń juby bombalyq soqqymen berilgen nysanalardy sátti joıyp otyrdy. Nátıjesinde Qazaqstan men Túrkıanyń arnaıy maqsattaǵy bólimsheleri qoıylǵan tapsyrmalardy oryndap shyqty. «Qabylan joly - 2015» oqý-jattyǵýy bıylǵy jyly alǵash ret ótkizilgenin aıta ketken jón. Ol áskerı qyzmetshilerdiń kásibı qasıetterin jáne jaýyngerlik mashyǵyn arttyrýǵa, eki eldiń Qarýly Kúshteriniń yntymaqtastyǵyn nyǵaıtýǵa yqpal etedi.