Sońǵy kúnderi Reseı Kıev mańyndaǵy birqatar jeńilisterden keıin Ýkraına astanasynan áskerin shyǵaryp, urys qımyldaryn shyǵys Ýkraınaǵa qaraı aýdardy. BBC Reseıdiń Donbas aımaǵyna qaraı yǵysýy uzaqqa sozylǵan qaqtyǵysty bildirýi múmkin ekenin habarlady.
Pýtın Donbass týraly aıtqanda, Ýkraınanyń kómir men bolat óndiretin eski aımaǵy dep meńzep otyr. Onyń shyn maqsaty – ońtústiktegi Marıýpoldiń syrtynan soltústik shekaraǵa deıin sozylatyn eki úlken shyǵys oblysty, Lýgansk pen Doneskti tutastyrý.
NATO reseılik kúshter Donesktiń ońtústik jaǵalaýymen Qyrymǵa aparatyn qurlyq kópirin qurýǵa tyrysady dep boljaıdy.
Koróldik Birikken Qyzmetter Instıtýtynyń qyzmetkeri Sem Krennı-Evans: "Eń bastysy, Kreml ony (Donbassty - red) Ýkraınadan góri Reseıdiń orystildi bóligi retinde anyqtap otyr" deıdi.
Reseı kúshteri Ýkraınanyń shyǵysyna gýmanıtarlyq apat ákelip, Marıýpoldi qırandyǵa aınaldyrdy, biraq olar Ýkraına áskerin jeńiliske ushyrata almady.
Reseıdiń qaıta shabýylǵa daıyndalyp jatqanyna baılanysty Ýkraına prezıdenti Vladımır Zelenskıı "Biz ár bir súıem jerimiz úshin kúresemiz" dep ant ete jaýap qatty.
