Qasym-Jomart Toqaev Japonıanyń burynǵy premer-mınıstri Sındzo Abege qastandyq jasalýyna alańdaýshylyq bildirip, áleýmettik jelide jazba jarıalady.

"Japonıanyń burynǵy Premer-mınıstri Sındzo Abege jasalǵan qastandyqty Qazaqstan jurtshylyǵy aýyr qabyldap, alańdaýshylyq bildirip jatyr. Belgili saıasatkerdiń tezirek saýyǵyp, otbasyna oralýyna tilektestik bildiremin" dep jazdy Toqaev Instagram paraqshasyna.

Búgin Japonıanyń burynǵy premer-mınıstri, Lıberal-demokratıalyq partıanyń burynǵy lıderi Sındzo Abege qastandyq jasalǵan. Eks-sheneýniktiń jaǵdaıy aýyr.

Abe Lıberal-demokratıalyq partıa atynan joǵarǵy palataǵa úmitkerdi qoldaý is-sharasyna qatysyp, jurt aldynda sóılep turǵan. Kyodo News tilshisi er adam atpas buryn Abe sóılep turǵanda janyna jaqyndap, únsiz baqylap turǵanyn kórgen.

Abeni keýde tusynan eki ret atqan. Kúdikti oqıǵa ornynda ustaldy. Ol Tesýıa Iamagamı qalasynyń 41 jastaǵy turǵyny ekeni, buryn teńiz kúshterinde qyzmet etkenin habarlandy.