Bıylǵy qańtar men mamyr aıynda Reseı halqy 430 myńǵa azaıǵan, dep habarlady moscowtimes.ru saıty.
Qyrym halqyn qosqanda qazir Reseı halqy 145,1 mln adamdy quraıdy. Al Qyrymdy eseptemegende – 142,7 mln.
Rosstattyń "Áleýmettik-ekonomıkalyq jaǵdaı týraly" esebine sáıkes, alǵashqy aılarda Reseı halqy aı saıyn ortasha eseppen 86 myńǵa azaıyp otyrǵan. Buǵan deıin adam ólimine qatysty antırekord 2002 jyly tirkelgen. Sol jyldary Reseı halqynyń sany bir jyl ishinde 685 myń adamǵa nemese aıyna orta eseppen 57 myń adamǵa azaıǵan.
BUU Ekonomıkalyq jáne áleýmettik máseleler departamentiniń boljamy boıynsha, Reseıde halyq sanynyń qysqarý prosesi jalǵasady jáne 2050 jylǵa qaraı elde 133 mıllıon turǵyn bolady.
Pikir qaldyrý