Qyrǵyzstandaǵy bıylǵy parlament saılaýyna 120 depýtattyq kresloǵa 14 partıadan 2,5 myńǵa jýyq úmitker talasýda. Jalpy saılaý ýchaskeleriniń sany- 2374 bolǵanymen, Bishkek jáne Osh qalalarynda qosymsha 46 ýchaske ashylǵan. Daýys berýshilerdiń qorytyndy sany 2 mln 761 myń 297 adamdy quraǵan. Bul týraly «Qamshy» portaly habarlaıdy.

Al, Qyrǵystannyń Jogorký Keneshine saılanatyn depýtattardyń qorytyndysy 24-qazan kúni (20 kúnnen keshikpeıdi) belgili bolady.

Saılaýdyń qazirgi nátıjeleri boıynsha bılik basyndaǵy partıa qyrǵyz saılaýynda kósh bastap tur.

Qazirgi tańda alty birdeı partıa saılaýdaǵy tıisti nátıjelerine qol jetkizgen.

Atap aıtar bolsaq, prezıdenttik Sosıal-demokratıalyq partıa – 27,45 paıyzǵa ıe bolsa, opozısıalyq «Respýblıka-Ata Jurt» partıasy-20, 13 paıyz daýys jınaǵan. Al «Qyrǵyzstan» partıasy 12,81 paıyzdy, «Ongýý-Progress» partıasy – 9,29 paıyz, «Bır-Bol» partıasy – 8,44 jáne «Ata-Meken» partıasy – 7,74 paıyz mejeli daýysty jınaǵan.

Qazirgi tańda parlament saılaýyna turǵyndardyń 1,5 mıllıonǵa jýyǵy daýys bergen. Bul daýys berýshilerdiń 60 paıyzyn quraıdy.