Máskeý qalasynda ishinara mobılızasıa, men qarsy ótken mıtıń kezinde ustalǵandardyń keıbirine polısıa áskerı komısarıatqa shaqyrý qaǵazyn tapsyrǵan. Bul týraly qamaýǵa alynǵan belsendiler habarlady dep jazady "OVD-Info" portaly.

"Iabloko" partıasynyń múshesi Kırıll Goncharov Telegram kanalyna mıtıń kezinde ustalǵan belsendige berilgen áskerı komısarıatqa shaqyrý qaǵazynyń fotosyn jarıalady.

Polısıa qyzmetkerleri belsendilerdi qaǵazyna qol qoıýǵa májbúrlegen. Olardyń aıtýynsha, kez kelgen RF azamaty áskerı komısarıatqa barýǵa mindetti. Quqyq qorǵaýshylar tipti shaqyrý qaǵazyna qol qoımaǵan azamattardyń ústinen qylmys is qozǵaımyz dep qorqytqan. 

Keshe túnde Reseıdiń 38 qalasynda ishinara mobılızasıa men soǵysqa qarsy mıtıń ótip, 1400 adam ustalǵan. Ustalǵandardyń basym bóligi Máskeý men Sankt-Peterbýrg qalasynan.

Máskeý prokýratýrasy mıtıń uıymdastyrýshylary men qatysýshylarynyń ústinen qylmystyq nemese ákimshilik is qozǵalatynyn, 15 jylǵa deıin bas bostandyǵynan aıyrý jazasy da qarastyrylatynyn habarlady.