QR Ulttyq banki teńge baǵamyn qoldaýǵa 54,5 mıllıon dollar bóldi. Bul týraly «Qamshy» portaly Tengrinews.kz-ke silteme jasaı otyryp habarlaıdy.

QR Ulttyq banki baspasóz qyzmetiniń málimdeýinshe,  5 qazanda Ulttyq bank 54,5 mıllıon dollarǵa ıntervensıa júrgizgen. Aıta keteıik, dál osyndaı maqsatta 2 qazan kúni Ulttyq bank 106,5 mıllıon dollarǵa kezekti ret ıntervensıa júrgizilgen bolatyn.

Al, teńgeni erkin aınalymǵa jibergennen keıin  teńge baǵamyn qoldaý kórsetý týraly sheshim 16 qyrkúıekte qabyldanǵan bolatyn. Ol kezde Ulttyq bank naryqta alypsatarlyqtyń bolyp jatqanyn habarlady, sol kúni dollardyń baǵamy 300 teńgege jetti.

Sol kezden beri sheteldik valútanyń baǵasy 270 teńgege deıin tómendedi. Bul baǵam áli kúnge saqtalyp tur. Sarapshylardyń aıtýlaryna qaraǵanda, Ulttyq banktiń ulttyq valúta baǵamyna qoldaý kórsetýge jasap jatqan sharalarynyń arqasynda bul baǵa áli uzaq saqtalýy múmkin.

 «Qamshy» silteıdi