Rúblmen nemese teńgeden basqa valútamen tólem qabyldaǵan qazaqstandyq satýshylar jazalanatyn bolady. Bul týraly Úkimettiń búgingi kýlýarynda qarjy mınıstri Erulan Jamaýbaev habarlady. 

Jýrnalıser mınıstrge Astanadaǵy dúkenderdiń birinde taýar baǵasy rúblmen qoıylǵany týraly aqparat bar ekenin aıtty. Mınıstr atalǵan oqıǵanyń tirkelmegenin, eger tirkelse baqylaýǵa alynatynyn eskertti. 

"Bizdiń ulttyq valútamyz – teńge. Baǵa kórsetkishiniń bári ulttyq valútamen kórsetilýi tıis. Eger taýar baǵasy basqa valútamen kórsetilgen bolsa, zańǵa qaıshy. Bárimiz zańǵa baǵynýymyz kerek. Eger mundaı faktiler tirkelgen bolsa, zańsyz áreketterdiń aldyn alamyz. Dúken qyzmetkerlerine de tıisti jaza qoldanylady", dedi mınıstr.