Astanada burynǵy Densaýlyq saqtaý mınıstri Eljan Birtanovtyń isi boıynsha appelásıalyq otyrys keıinge shegerildi.
"Tyńdaý keıinge qaldyryldy, proses 27 jeltoqsanda saǵat 15.00-de jalǵasady" dep habarlady Astana qalalyq soty.
28 qazanda sot Birtanovty 5 jylǵa, onyń orynbasary Oljas Ábishevti 4 jylǵa bas bostandyǵyn shekteýge úkim shyǵarǵan. Eljan Birtanov "sanavıasıany zańsyz paıdalandy" degen aıyp boıynsha aqtalǵanymen "laýazymyn asyra paıdalandy" degen bap boıynsha aıypty dep tanylǵan. Ekeýi sot úkimi boıynsha "keltirilgen" 1 mlrd 350 mln teńge shyǵyndy óteýge mindettelgen.
Eljan Birtanovtyń advokattary joǵary turǵan sot satysyna №2 Saryarqa sotynyń úkimine apelásıalyq shaǵym túsirgen. Eks-mınıstrdiń qorǵaýshylary sot úkiminiń ony laýazymdyq ókilettikterin teris paıdalanǵany úshin kináli dep tapqan bóligine narazy.
Pikir qaldyrý