QFF-nyń mańynan ashylǵan «Qazaqstan fýtbolynyń ardagerleri» qoǵamdyq qorynyń prezıdenti Dıas Omarovtyń oıynsha, Aısultan Nazarbaevqa otandyq fýtboldyń basshysy bolýǵa áli erte degen. Bul týraly Qamshy portaly  pavlodarnews.kz-ke silteme jasaı otyryp habarlaıdy.

Qazaqstandyq tanymal komentatordyń pikirinshe, sporttyń bul túriniń qıyndyqtary óte kóp, al Aısultan Nazarbaev úshin jastyq shaǵynda mundaı kúrdeli máselelerdi sheshý ońaıǵa soqpaıdy.

“Men ony tolyqtaı tanymaımyn, biraq, menińshe, ol áli jas. Mundaı jasta federasıa basshylyǵynda otyrǵan Aısultandy elestete de almaımyn. Iá, ol jastar quramasynda fýtbol oınady. Alaıda basshylyqqa ótý úshin bul tájirıbe azdyq etedi”, – dedi Omarov.

Sondaı-aq «Qazaqstan fýtbolynyń ardagerleri» QQ-nyń jetekshisi jas kandıdatty ÝEFA prezıdenti Mıshel Platınımen salystyrdy.

“Óz kezeginde fransýz azamaty prezıdenttik taqqa otyrmas buryn kóp jyldar boıy ÝEFA jáne FIFA komıtetterinde qyzmet etti. Tek sodan keıin ǵana basshylyqqa taǵaıyndaldy, – dep atap ótti ol.

Esterińizge sala ketsek, elbasynyń nemeresi QFF-nyń prezıdenttigine kezekten tys saılaý ótkizý týraly usynys tastaǵan bolatyn. Al úmitkerderdiń biri retinde ózin tanystyrdy.