Densaýlyq saqtaý salasyndaǵy aqparattandyrý standarttaryn bekitý týraly

«Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasy Kodeksiniń 7-babynyń 1-tarmaǵynyń 6) tarmaqshasyna sáıkes buıyramyn:
1. Mynalar:
1) osy buıryqqa 1-qosymshaǵa sáıkes reseptilerdi elektrondyq formatta júrgizýdi retteý standarty;
2) osy buıryqqa 2-qosymshaǵa sáıkes dıagnostıkalyq zertteýler men emsharalardyń elektrondyq prosesterin basqarý standarty;
3) osy buıryqqa 3-qosymshaǵa sáıkes aýrýlardyń elektrondyq profılaktıkasyn retteý standarty bekitilsin.
2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Aqparattandyrýdy damytý departamenti zańnamada belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kún ishinde merzimdik baspasóz basylymdarynda jáne Qazaqstan Respýblıkasynyń normatıvtik-quqyqtyq aktileriniń «Ádilet» aqparattyq-quqyqtyq júıesinde resmı jarıalaýdy;
3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsyna ornalastyrýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Densaýlyq saqtaý jáne áleýmettik damý vıse-mınıstri A.V.Soıǵa júktelsin.
4. Osy buıryq ony alǵashqy resmı jarıalaǵan kúninen keıin qoldanysqa engiziledi.

Qazaqstan Respýblıkasynyń Densaýlyq saqtaý jáne áleýmettik damý mınıstri T.DÚISENOVA.

Qazaqstan Respýblıkasy Densaýlyq saqtaý jáne áleýmettik damý mınıstriniń
2015 jylǵy 20 shildedegi № 600 buıryǵyna 1-qosymsha

Reseptilerdi elektrondyq formatta júrgizýdi retteý standarty

1. Jalpy erejeler
1. Reseptilerdi elektrondyq formatta júrgizýdi retteý standarty (budan ári – Standart) «Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasy Kodeksiniń 7-baby 1-tarmaǵynyń 6) tarmaqshasyna sáıkes ázirlendi (budan ári – Kodeks) jáne DIN EN 13940 «Úzilissiz medısınalyq kómek kórsetýdi qamtamasyz etetin uǵymdar júıesi» halyqaralyq standart talaptaryn eskere otyryp, elektrondyq formatta reseptilerdi júrgizý tártibin iske asyrý jáne retteý úshin talaptardy jáne sharttardy aıqyndaıdy.
2. Osy Standarttyń mindetteri:
1) elektrondyq reseptiler servısiniń (budan ári – ERS) jumys tártibin aıqyndaý, olardy retteý, ERS kezeńderin júzege asyrý úshin aqparattyń eń az kólemin aıqyndaý, reseptini jazyp berý, resept boıynsha dárilik zattar men medısınalyq maqsattaǵy buıymdardy bosatý, dárilik zattar men medısınalyq maqsattaǵy buıymdardy berý týraly habardar etý;
2) medısınalyq kómek kórsetýdi qoldaýdy qamtamasyz etetin taraptardy sáıkestendirýge, olardyń shynaıylyǵyn jáne pasıenttiń kelisimin belgileýge qatysty ERS-tiń qaýipsizdigin qamtamasyz etý bolyp tabylady.
3. Osy Standartta myna termınder men uǵymdar qoldanylady:
1) birneshe ret qoldanylatyn resept – dárilik preparatty birneshe ret bosatý júzege asyrylatyn resept;
2) dárilik zattar – farmakologıalyq belsendi áser etetin zattardy bildiretin nemese qamtıtyn, aýrýlardyń profılaktıkasyna, dıagnostıkasyna jáne olardy emdeýge, sondaı-aq organızmniń jaı-kúıi men fýnksıalaryn ózgertýge arnalǵan zattar, dárilik sýbstansıa, tabıǵı jolmen paıda bolǵan dárilik shıkizat, dárilik zattardyń angro- jáne balk-ónimderi, medısınalyq ımmýnobıologıalyq preparattar, parafarmasevtıkter;
3) dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy sýbektiler (budan ári – sýbektiler) farmasevtıkalyq qyzmetti júzege asyratyn jeke nemese zańdy tulǵalar;
4) dárilik zattardyń, medısınalyq maqsattaǵy buıymdar men medısınalyq tehnıkanyń memlekettik tizilimi – Qazaqstan Respýblıkasynda tirkelgen jáne medısınalyq qoldanýǵa ruqsat etilgen dárilik zattardy, medısınalyq maqsattaǵy buıymdar men medısınalyq tehnıkany esepke alý qujaty;
5) dárilik zattyń halyqaralyq patenttelmegen ataýy — dárilik zattyń dúnıejúzilik densaýlyq saqtaý uıymy usynǵan ataýy;
6) dárilik preparat – belgili bir dárilik nysandaǵy dárilik zat;
7) dárilik preparattardyń ulttyq sáıkestendirgishi – Qazaqstan Respýblıkasynda jazyp berýge nemese paıdalanýǵa ruqsat etilgen dárilik preparattardyń ulttyq tirkelimindegi belgili bir dárilik preparattyń sáıkestendirý kody;
8) jaramdy resept – reseptini jazýǵa quqyǵy men ókilettiligi bar medısınalyq qyzmetkerdiń jazyp bergen reseptisi;
9) medısınalyq maqsattaǵy buıymdardyń ulttyq sáıkestendirgishi –Qazaqstan Respýblıkasynda jazyp berýge nemese paıdalanýǵa ruqsat etilgen medısınalyq maqsattaǵy buıymdardyń ulttyq tirkelimindegi belgili bir medısınalyq maqsattaǵy buıymnyń sáıkestendirý kody;
10) resept –elektrondyq densaýlyq pasporty (budan ári – EDP) arqyly dárilik zattardy jáne/nemese medısınalyq maqsattaǵy buıymdardy elektrondyq formatta nemese basylyp shyǵarylǵan versıada bosatýǵa qatysty EDP arqyly medısına qyzmetkeri júzege asyrǵan dárilik preparattyń taǵaıyndalýy;
11) resept boıynsha bosatylatyn dárilik preparatqa resept – resept boıynsha bosatylatyn dárilik preparatty belgili bir pasıentke ótkizýge medısınalyq kórsetiletin qyzmetti berýshi beretin resept;
12) resept boıynsha bosatylatyn dárilik preparat – dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obektiler pasıenttiń medısına qyzmetkeri jazyp bergen Qazaqstan Respýblıkasy Densaýlyq saqtaý mınıstri mindetin atqarýshynyń 2010 jylǵy 23 qarashadaǵy №907 buıryǵymen bekitilgen (Memlekettik tirkeý tiziliminde №6697 tirkelgen) 130/ý nysan boıynsha reseptisin kórsetýimen ǵana bosatylatyn dárilik preparat;
13) resept boıynsha ilespe aqparat – dárilik preparattardy satyp alýdaǵy jeńildikterge, syrqatnamaǵa jáne osy Standartqa sáıkes dári-dármekter men pasıent densaýlyǵyn sıpattaıtyn ózge de derekterge qatysty aqparat;
14) reseptilerdi elektrondyq formatta júrgizý – reseptini nemese reseptimen baılanysty kez kelgen basqa aqparatty ERS arqyly densaýlyq saqtaý taraptary arasynda tikeleı nemese EDP arqyly berý;
15) reseptini jazyp beretin adam – Qazaqstan Respýblıkasynyń dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasynda qoldanystaǵy normatıvtik-quqyqtyq aktilerine saı osy Standartqa sáıkes reseptini jazyp berýdi júzege asyratyn medısınalyq qyzmet kórsetýshi;
16) tirkeý nómeri – dárilik preparattarǵa, dárilik zattarǵa, medısınalyq maqsattaǵy buıymdar men medısınalyq tehnıkaǵa dárilik zattardyń, medısınalyq maqsattaǵy buıymdar men medısınalyq tehnıkanyń ulttyq tiziliminde memlekettik tirkeý kezinde beriletin tirkeý nómeri;
17) farmasevtıkalyq qyzmet – dárilik zattardy, medısınalyq maqsattaǵy buıymdar men medısınalyq tehnıkany óndirý, daıyndaý (medısınalyq tehnıkadan basqasyn), kóterme jáne bólshek saýdada ótkizý boıynsha densaýlyq saqtaý salasynda júzege asyrylatyn, dárilik zattardy, medısınalyq maqsattaǵy buıymdar men medısınalyq tehnıkany satyp alýǵa (alýǵa), saqtaýǵa, ákelýge, áketýge, sapasyn baqylaýǵa, resimdeýge, taratýǵa, paıdalanýǵa jáne joıýǵa, sondaı-aq olardyń qaýipsizdigin, tıimdiligin jáne sapasyn qamtamasyz etýge baılanysty qyzmet;
18) farmasevtıka qyzmetkerleri – farmasevtıkalyq bilimi bar jáne farmasevtıkalyq qyzmetti júzege asyratyn jeke tulǵalar;
19) elektrondyq reseptiler servısi – elektrondyq reseptilerdi qurý, ákimshilendirý, jóneltý, alý, kúshin joıý nemese qaıta jiberý maqsatynda reseptilerdi elektrondyq formatta júrgizýdi qamtamasyz etetin is-sharalar kesheni;
20) taraptyq medısınalyq aqparattyq júıe – úsh jaqty ázirlengen jáne qoldanylatyn medısınalyq aqparattyq júıe;
21) logırleý jýrnaly – hronologıalyq tártiptegi oqıǵalar týraly jazbalar faıly.
4. Reseptini jazyp berý Kodekstiń 7-baby 1-tarmaǵynyń 83) tarmaqshasyna sáıkes júzege asyrylady.
5. Elektrondyq formattaǵy reseptilerdi júrgizý medısınalyq qyzmet kórsetýshi men dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy sýbektiler arasyndaǵy eki taraptan aqparat berýdi, sondaı-aq dárimen emdeýmen jáne resept boıynsha ilespe aqparatpen baılanysty aqparatty eki taraptan berýdi qamtıdy.
6. Eki taraptan aqparat berý elektrondyq formatta reseptilerdi júrgizý prosesine tartylǵan taraptar arasyndaǵy baılanysty qamtamasyz etetin EDP arqyly júzege asyrylady jáne basqarylady. Elektrondyq formatta reseptilerdi júrgizý boıynsha qyzmet jáne tıisti aqparatpen almasý prosesteri EDP-da tirkeledi.
7. Taraptyq medısınalyq aqparattyq júıelerde qalyptastyrylatyn reseptiler eki tıpke bólinedi:
1) ambýlatorıalyq nemese stasıonarlyq medısınalyq kómek kórsetý nátıjesinde berilgen reseptiler;
2) stasıonarlyq medısınalyq kómek kórsetý barysynda dárimen emdeýdi tirkeý.
8. Stasıonarlyq medısınalyq kómek kórsetý barysynda dárimen emdeý tirkelgen jaǵdaıda, arnaıy bekitilgen jazba (budan ári – ABJ) túrinde elektrondyq resepti jasaý talap etilmeıdi.
9. Dárilik preparattar týraly málimetter EDP medısınalyq qyzmet kórsetýshi medısınalyq jazba baılanysynyń klınıkalyq mańyzdy elementin qamtıtyn aqparat túrinde usynylady.
10. Stasıonarlyq medısınalyq kómek kórsetý barysynda dárimen emdeýdi tirkeý kezinde osy Standartqa 1-qosymshada (budan ári – 1-qosymsha) sıpattalǵan dárilik preparattarǵa arnalǵan derekter jıyny jáne medısınalyq maqsattaǵy buıymdar EDP kómegimen avtomatty túrde jańartylady;
11. Resept ambýlatorıalyq nemese stasıonarlyq em nátıjesinde taraptyq medısınalyq aqparattyq júıeni paıdalaný arqyly jazyp berilgen jaǵdaıda, reseptini EDP-da tirkeý úshin elektrondyq reseptisi bar klınıkalyq-ákimshilik jazba nysanynda EMJ jasalady, medısınalyq qyzmet jetkizýshi tıisti elementinde EDP ishinde saqtalynady.
12. Dárilik zattardyń, medısınalyq maqsattaǵy buıymdar men medısınalyq tehnıkanyń memlekettik tizilimine sáıkes aıqyndalǵan dárilik preparattardyń ulttyq tirkelimi dárilik zattardyń ulttyq sáıkestendirgishiniń kómegimen sáıkestendirilgen dárilik zattardyń biryńǵaı jiktemesinde belgilengen anyqtamalyq aqparatqa qoljetimdilikti qamtamasyz etedi.
13. Dárilik zattardyń, medısınalyq maqsattaǵy buıymdar men medısınalyq tehnıkanyń Memlekettik tizilimine sáıkes anyqtalǵan medısınalyq maqsattaǵy buıymdardyń ulttyq tirkelimi medısınalyq maqsattaǵy buıymdardyń ulttyq sáıkestendirgishi kómegimen sáıkestendirilgen medısınalyq maqsattaǵy buıymdardyń biryńǵaı jiktemesinde belgilengen anyqtamalyq aqparatqa qoljetimdilikti qamtamasyz etedi.

2. Elektrondyq reseptilermen almasý tártibi
14. Tirkeletin, saqtalynatyn jáne EDP-da ortalyqtandyryla basqarylatyn reseptilerge mynadaı rásimder qoldanylady:
1) ERS-ke kirýge ruqsat alýǵa talap bildirgen dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy sýbektiler elektrondyq reseptilerdi paıdalaný boıynsha tranzaksıa oryndaý maqsatynda ERS kirýge ruqsat alýǵa tıisti suraý salady;
2) Pasıent qajet bolǵan jaǵdaıda EDP-dan dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy barlyq sýbektiler úshin jaramdy reseptiniń qaǵaz túrindegi versıasyn suraıdy jáne alady;
3) belgili bir pasıenttiń ERS kirýge ruqsaty bar dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy sýbektiler osy Standarttyń 3-bóliminde aıqyndalǵan is-qımyldardy saqtaı otyryp, dárilik zattardy berý boıynsha tranzaksıalardyń tıisti oryndalýyna jaýap beredi;
4) tegin medısınalyq kómektiń kepildik berilgen kólemi sheńberinde qaǵaz túrinde resept alatyn dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy sýbektiler men farmasevtıka qyzmetkerleri EDP-ǵa ERS arqyly osy reseptiler boıynsha esep beredi.

3. Elektrondyq reseptiler servısiniń tranzaksıalary
15. ERS ruqsat deńgeıin jáne osy servısti paıdalanatyn densaýlyq saqtaý taraptarynyń atqaratyn rólin retteıtin Standarttyń 2-qosymshasyna sáıkes tranzaksıalardyń erekshelikteri boıynsha jıyntyq aqparatqa sáıkes elektrondyq reseptilerdi jazyp berý, júrgizý jáne almastyrý boıynsha tranzaksıalardy qamtıdy:
16. Medısına qyzmetkeriniń jańa reseptini jazyp berýi mynadaı is-áreketterge ákelip soǵady:
1) 1-qosymshaǵa sáıkes EDP baılanysynyń relevanttyq elementine dári-dármek týraly relevanttyq aqparatty qosý arqyly pasıenttiń EDP jańartý;
2) Standartqa 3-qosymshada aıqyndalǵan ákimshilik derekter jınaǵyna sáıkes dárilik zattardyń, medısınalyq maqsattaǵy buıymdardyń qoldanylýyn monıtorıńteý, esepke alý jáne baǵalaý maqsatymen dárilik zattardyń, medısınalyq maqsattaǵy buıymdardyń tirkelimin jańartý;
3) elektrondyq reseptini ERS arnaıy bekitilgen jazbasy túrinde avtomatty qalyptastyrý jáne ony EDP-da saqtaý.
17. Jańadan jazyp berilgen resept tekserilgenge deıin ýaqytsha jazba bolyp tabylady. Resept statýsynyń sıpattamasy 3-qosymshanyń 3.1 jolyna sáıkes anyqtalady.
18. Qajet bolǵan jaǵdaıda rastaýdy kútetin reseptiler reseptini jazyp bergen adammen ózgertiledi. EDP-ǵa engizilgen, tekseristen ótken reseptiler ózgertýge jatpaıdy.
19. Elektrondyq reseptiler úshin kózdelgen jáne tıisti ABJ-da saqtalynatyn derekter elementteri 1-qosymshada aıqyndalǵan.

4. Derekter standarttary
20. Bosatylatyn elektrondyq reseptilerdegi derekter standartyna qoıylatyn talaptar osy Standarttyń 4-qosymshasymen retteledi.
21. Anyqtamalyq aqparat kózderi osy Standarttyń 5-qosymshasynda aıqyndalǵan.
22. Jalpy qoldanýǵa arnalǵan aqparatqa qoljetimdilikti basqarý osy Standarttyń 6-qosymshasyna sáıkes júzege asyrylady.
23. Osy Standartta aıqyndalǵan barlyq tranzaksıalar EDP talaptaryna sáıkes EDP logırleý jýrnalyna engiziledi.

Elektrondyq formattaǵy reseptilerdi júrgizýdi retteý standartyna
1-qosymsha

Dárilik preparattarǵa arnalǵan derekter jıyny jáne medısınalyq maqsattaǵy buıymdar

№ Derekter elementi Derekkózi Elektrondyq densaýlyq pasporty Elektrondyq resept Aǵymdaǵy reseptiler Reseptilerdiń tarıhy Reseptini elektrondyq bosatý
Dárilik preparattarǵa arnalǵan derekter jıyny
1 Áreket etýshi zat Elektrondyq densaýlyq pasporty (bazalyq) • • • •
2 Áreket etýshi zattyń kody Elektrondyq densaýlyq pasporty (bazalyq) • • •
3 Bir mezgilde qabyldanatyn dárilik nysanyndaǵy preparattyń mólsherleri Elektrondyq densaýlyq pasporty (bazalyq) • • • •
4 Preparatty qabyldaý jıiligi Elektrondyq densaýlyq pasporty (bazalyq) • • • •
5 Preparatpen emdeýdiń uzaqtyǵy Elektrondyq densaýlyq pasporty (bazalyq) • • • •
6 Dozalaý Elektrondyq densaýlyq pasporty (bazalyq) • • • • •
7 Preparatpen emdeýdi bastaý ýaqyty Elektrondyq densaýlyq pasporty (bazalyq) • • • •
8 Preparatpen emdeýdi aıaqtaý ýaqyty Elektrondyq densaýlyq pasporty (bazalyq) • • • •
9 Farmakologıalyq mólsherlengen nysan Elektrondyq densaýlyq pasporty (bazalyq) • • • • •
10 Dárilik preparattyń qaptamasy Elektrondyq densaýlyq pasporty (keńeıtilgen) • • •
11 Qoldaný tásili Elektrondyq densaýlyq pasporty (keńeıtilgen) • • •
12 Dárilik preparattyń saýda ataýy elektrondyq reseptiler servısi • •
13 Qaptamanyń sany elektrondyq reseptiler servısi • •
14 Reseptini jazyp berý kúni elektrondyq reseptiler servısi •
15 Dárilik preparatty qoldaný jónindegi pasıentke arnalǵan nusqaýlyqtar elektrondyq reseptiler servısi •
16 Farmasevtıka qyzmetkerine arnalǵan usynystar elektrondyq reseptiler servısi •
17 Emdeý hattamasy elektrondyq reseptiler servısi • •
18 Dárilik preparatty bosatý kúni elektrondyq reseptiler servısi •
19 Dárilik preparatty aýystyrý Elektrondyq densaýlyq pasporty (keńeıtilgen) • •
Medısınalyq maqsattaǵy buıymdarǵa arnalǵan derekter jıyntyǵy
20 Medısınalyq maqsattaǵy buıymnyń ataýy Elektrondyq densaýlyq pasporty (bazalyq) • • • •
21 Medısınalyq maqsattaǵy buıymnyń kody Elektrondyq densaýlyq pasporty (bazalyq) • • •
22 Sany elektrondyq reseptiler servısi • •

Elektrondyq formattaǵy reseptilerdi júrgizýdi retteý standartyna 2-qosymsha

Tranzaksıalardyń erekshelikteri boıynsha jıyntyq aqparat
№ Tranzaksıanyń ataýy Ókiletti medısınalyq kórsetiletin qyzmetti berýshi Reseptini jazyp beretin adam Medısınalyq shyǵystardy óteý júıesi
1 Pasıenttiń elektrondyq densaýlyq pasportynan qysqa úzindi kóshirme Qurý — —
2 Reseptiler tarıhy Qurý Iá, pasıenttiń kelisimi bolsa —
3 Qazirgi ýaqytta qoldanylatyn dárilik zattardyń tizimi Qurý Iá, pasıenttiń kelisimi bolsa —
4 Pasıenttiń aqparatty jınaýǵa, saqtaýǵa jáne joldaýǵa kelisimi Qurý Farmasevtıkalyq qyzmetkerge berý —
5 Jańa reseptini jazyp berý — Habarlamany jazý jáne jiberý Habarlamany alý
6 Reseptiniń kúshin joıý — Resept jaǵdaıyn qaraý jáne oryndaý Habarlamany alý
7 Reseptiniń statýsyn qaraý — Qaraý —
8 Reseptiniń statýsyn jańartý — Habarlamany alý —
9 Reseptini ózgertý — Habarlamany alý Habarlamany alý
10 Birneshe ret qoldanylatyn resept — Habarlamany jazý jáne jiberý Habarlamany alý
11 Reseptini tekserý — — Habarlamany alý
12 Paróldy ózgertý — — —
13 Krıterııler boıynsha aqparat usynýǵa suraý salý — Qaraý Habarlamany alý
Tranzaksıalardyń sıpattamasy:
«pasıenttiń aqparatty jınaýǵa, saqtaýǵa jáne joldaýǵa kelisimi» — farmasevtıkalyq qyzmetti iske asyrý maqsatynda densaýlyq saqtaý taraptaryn, reseptilermen baılanysty jıyntyq aqparatqa qatysty, ruqsat berý quqyǵymen qamtamasyz etedi. Pasıenttiń kelisimi bolmaǵan jaǵdaıda, farmasevtıkalyq qyzmetkerler tek reseptige ǵana ruqsat alady;
«reseptiniń kúshin joıýy» — elektrondyq reseptiniń ýaqytsha jazbalaryn joıý. Osy tranzaksıa «reseptini tekserý» statýsy qoıylǵan sátke deıin múmkin;
«resept statýsyn qaraý» — 3-qosymshaǵa sáıkes elektrondy resept jaǵdaıy týraly aqparat berý;
«resept statýsyn jańartý» — 3-qosymshaǵa sáıkes elektrondy resept statýsy týraly aqparatty jańartýdy qamtamasyz etedi. Resept statýsyn jańartý týraly aqparat dárilik zattar týraly aqparattyń bóligi bolyp tabylady jáne EPJ-ǵa tirkeledi;
«reseptini ózgertý» — 3-qosymshaǵa sáıkes tekserý kezegindegi elektrondy reseptke ózgeris engizýdi qamtamasyz etedi. Reseptige ózgeris tek resept jazatyn adammen engiziledi. Reseptiń ózgertilýi jazylǵan dárilik zattyń basqa dárilik zatqa aýystyrylýyn bildirmeıdi, 1-qosymshaǵa sáıkes satý tańbasy nemese qorapsha ólsheminiń aýystyrylýyn bildiredi;
«birneshe ret qoldanylatyn resept» — reseptini birneshe ret qoldanýǵa múmkindik beredi;
«reseptini tekserý» — elektrondyq resept statýsyn jańartýdy qamtamasyz etedi;
«paróldi aýystyrý» — ERS ruqsat alý úshin farmasevttermen qoldanylatyn paróldi ózgertý nátıjesi;
«krıterıalar boıynsha aqparat berýge suranys» — reseptiniń jeńildik sanatyna jatatyndyǵyn tekserý;

Elektrondyq formattaǵy reseptilerdi júrgizýdi retteý standartyna 3-qosymsha

Ákimshilik derekterdiń jıyntyǵy
№ Derekter elementi Sıpattamasy Elektrondyq resept Elektrondyq resept boıynsha preparatty bosatý
1. Densaýlyq saqtaý taraptaryn sáıkestendirý
1.1 Pasıenttiń sáıkestendirý nómeri Elektrondyq densaýlyq pasportynda paıdalanylatyn ulttyq sáıkestendirgish • •
1.2 Pasıenttiń baılanys derekteri Elektrondyq densaýlyq pasportynda tirkelgen baılanys derekteri • •
1.3 Reseptini jazyp bergen adamnyń sáıkestendirý nómeri Elektrondyq densaýlyq pasportynda paıdalanylatyn ulttyq sáıkestendirgish • •
1.4 Reseptini jazyp bergen adamnyń baılanys derekteri Elektrondyq densaýlyq pasportynda tirkelgen baılanys derekteri • •
1.5 Pasıenttiń kelisimi Elektrondyq densaýlyq pasportyna kirýge ruqsat alý úshin kelisim týraly ótinish • •
2. Dárilik preparattardy sáıkestendirý
2.1 Dárilik zattardyń, medısınalyq maqsattaǵy buıymdar men medısınalyq tehnıkanyń ulttyq sáıkestendirgishi Dárilik zattardyń, medısınalyq maqsattaǵy buıymdar men medısınalyq tehnıkanyń biryńǵaı jiktemesine sáıkes anyqtalady • •
3. Dárilik preparattyń sıpattamasy
3.1 Reseptiniń aǵymdaǵy statýsy Berilgen, óńdelýde/ qaralýda, jiberilgen/qoljetimdi/aýystyrylǵan, bosatylǵan, kúshi joıylǵan, qate •
3.2 Dárilik preparattyń túri Vaksına/ basqa • •
3.3 Reseptiniń túri Jańa/ birneshe ret qoldanylatyn • •
3.4 ERS qatesi týraly jazba Ónim sáıkestendirilmegen, ónim qoljetimdi emes •
4. Preparatty aýystyrý
4.1 Preparattyń qoljetimdilik ýaqyty Eger preparat qazirgi ýaqytta qoljetimdi bolmasa, al pasıent osy preparaty keıinirek alǵysy kelse, onda preparattyń qoljetimdilik ýaqytyn kórsetý qajet •
4.2 Preparatty aýystyrý Preparatty aýystyrýǵa keletinin, kelmeıtinin kórsetý qajet • •
4.3 Dárilik zattardyń, medısınalyq maqsattaǵy buıymdar men medısınalyq tehnıkanyń ulttyq sáıkestendirgishin aýystyrý Aýystyrylatyn preparat úshin ulttyq sáıkestendirgishti qamtamasyz etý – preparat týraly derekter reseptini elektrondyq bosatý eskertpesinde tirkeledi •
4.4 Pasıenttiń kelisimi Dárilik zatty aýystyrýǵa pasıenttiń kelisimi kórsetiledi •
5. Qarjylyq bólimi
5.1 Ónimniń baǵasy Dárilik preparattardyń ulttyq tirkelimine sáıkes ónimniń baǵasy •
5.2 Memleketpen ótelýi Iá/joq, dárilik preparattardyń ulttyq tirkeliminen tańdalady •
Elektrondyq formattaǵy reseptilerdi júrgizýdi retteý standartyna 4-qosymsha

Derekter standarttary
№ Ónim sıpattamasy bar jol Kodtyq jikteme Termınologıa
1 Komersıalyq ónimniń sáıkestendirgishi men sıpattamasy Dárilik zattardyń, medısınalyq maqsattaǵy buıymdar men medısınalyq tehnıkanyń ulttyq sáıkestendirgishi Tirkeý nómiri – dárilik zattarǵa, medısınalyq maqsattaǵy buıymdar men medısınalyq tehnıkaǵa dárilik zattardy, medısınalyq maqsattaǵy buıymdar men medısınalyq tehnıkany memlekettik tizilimine tirkeý kezinde beriletin tirkeý nómeri. Tolyǵyraq aqparat dárilik zattardyń, medısınalyq maqsattaǵy buıymdar men medısınalyq tehnıkanyń biryńǵaı jiktemesinde kórsetilgen
2 Zattar HPA (DDSU) Memlekette HPA qoldaný
ATH (DDSU)
SNOMED CT
Elektrondyq formattaǵy reseptilerdi júrgizýdi retteý standartyna 5-qosymsha

Anyqtamalyq aqparattyń kózderi
№ Derekter elementi Anyqtamalyq aqparattardyń servısi Anyqtamalyq aqparattardyń servısin basqarýdyń ulttyq standarty
1. Densaýlyq saqtaý taraptaryn sáıkestendirý
1.1 Pasıenttiń sáıkestendirý nómiri Ulttyq pasıentter tirkelimi Elektrondyq densaýlyq saqtaý júıelerinde paıdalanylatyn qoldanystaǵy densaýlyq saqtaý taraptaryn sáıkestendirýge qoıylatyn standartty talaptar
1.2 Pasıenttiń baılanys derekteri
1.3 Resept jazyp bergen adamnyń sáıkestendirý nómeri Ulttyq medısına qyzmetkerleriniń tirkelimi
1.4 Resept jazyp bergen adamnyń baılanys derekteri
1.5 Farmasevtıka qyzmetkeriniń sáıkestendirý nómeri
1.6 Farmasevtıka qyzmetkeriniń baılanys derekteri
2. Ónimdi komersıalyq sáıkestendirý
2.1 Dárilik zattardyń, medısınalyq maqsattaǵy buıymdar men medısınalyq tehnıkanyń ulttyq sáıkestendirgishi Dárilik zattardyń, medısınalyq maqsattaǵy buıymdar men medısınalyq tehnıkanyń ulttyq tirkelimi Osy standart
3. Ónimdi klınıkalyq sáıkestendirý
3.1 Áreket etýshi zat Dárilik zattardyń ulttyq tirkelimi Osy standart
3.2 Áreket etýshi zattyń kody

Elektrondyq formattaǵy reseptilerdi júrgizýdi retteý standartyna 6-qosymsha

Qoljetimdilikti basqarý
Densaýlyq saqtaý tarapy EDP (tolyq) Dárilik tarıh
(EDP) Qazirgi ýaqytta qabyldanatyn dárilik zattardyń tizimi (EDP) Dárilik zattardyń, medısınalyq maqsattaǵy buıymdar men medısınalyq tehnıkanyń ulttyq sáıkestendirgishi Aǵymdaǵy reseptiler (EDP) Bosatylǵan/ kútiletin reseptiler (EDP e-reseptiler) Preparattardy bosatý týraly aqparat (preparattardy elektrondyq bosatý — EDP)
1 Jalpy praktıka dárigeri • • • • • • •
2 Reseptini bosatatyn adam Kelisim Kelisim • • • •
3 Farmasevtıka qyzmetkeri • • • •

Qazaqstan Respýblıkasy Densaýlyq saqtaý jáne áleýmettik damý mınıstriniń
2015 jylǵy 20 shildedegi № 600 buıryǵyna 2-qosymsha

Dıagnostıkalyq zertteýler men emsharalardyń elektrondyq prosesterin basqarý standarty

1. Jalpy erejeler
1. Dıagnostıkalyq zertteýler men emsharalardyń elektrondyq prosesterin basqarý standarty (budan ári – Standart) «Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasy Kodeksiniń 7-baby 1-tarmaǵynyń 6) tarmaqshasyna sáıkes DIN EN 13940 «Medısınalyq kómek kórsetýdiń úzdiksizdigin qamtamasyz etetin uǵymdar júıesi» halyqaralyq standarttarynyń talaptaryn eskere otyryp, medısınalyq kómek kórsetýdiń barlyq deńgeılerinde taǵaıyndalǵan dıagnostıkalyq zertteýler men emsharalarǵa (budan ári – medısınalyq kórsetiletin qyzmetter) qatysty ózara is-qımyl jasaıtyn syrtqy medısınalyq aqparattyq júıeleri jáne elektrondyq densaýlyq pasporty (budan ári – EDP) arqyly jınalatyn aqparattyń sapasyn jáne ereksheligin (qasıetterin) qamtamasyz etý maqsatynda ázirlendi.
2. Osy Standarttyń mindetteri:
1) kelesi prosesterdi retteý boıynsha qosymsha talaptar jáne erejelerdi anyqtaý:
klınıkalyq derekterdi jınaý;
dıagnostıkalyq zertteýler men emsharalarǵa elektrondyq joldamalar;
2) medısınalyq kórsetiletin qyzmetterge jiberý prosesindegi klınıkalyq derekterdi normalaý úshin, sondaı-aq dıagnostıkalyq zertteý nátıjesin EDP (budan ári – EDP) arqyly alý úshin jiktemeler men sáıkestendirgishterdi anyqtaý bolyp tabylady.
3. Osy Standartta mynadaı termınder men uǵymdar paıdalanylady:
1) klınıkalyq derekterdi jınaý – EDP-da bar mehanızmder men quraldardyń kómegimen, ınteroperabeldigin jáne derekterdi elektrondyq óńdeý múmkindigin qamtamasyz etý úshin halyqaralyq jáne ulttyq standarttardy, anyqtamalyqtar men jiktemelerdi qoldana otyryp, klınıkalyq derekterdi normalaý prosesi;
2) medısınalyq kórsetiletin qyzmetter – densaýlyq saqtaý sýbektileriniń naqty adamǵa qatysty profılaktıkalyq, dıagnostıkalyq, emdeý nemese ońaltý baǵyty bar is-qımyldary;
3) medısınalyq kórsetiletin qyzmetter men resýrstardyń elektrondyq katalogy (budan ári – elektrondyq katalog) – medısınalyq kórsetiletin qyzmetter men medısınalyq kórsetiletin qyzmetter berýshiler boıynsha standarttalǵan aqparatqa qoljetimdilikti qamtamasyz etetin anyqtamalyq aqparat servısi.
4) syrtqy medısınalyq aqparattyq júıe – úshinshi taraptar ázirlegen jáne paıdalanatyn kez kelgen medısınalyq aqparattyq júıe.
4. Joldama nusqalary bolyp EDP paıdalanatyn medısına qyzmetkerlerine pasıentterdi budan ári emdeýge jiberý jáne osy Standartqa sáıkes osyndaı jaǵdaılardy tirkeý jáne qujattaý úshin qoljetimdi medısınalyq kórsetiletin qyzmetter tabylady. Joldama nusqalary 3 tıpke bólinedi:
1) maman konsýltasıasyna jiberý;
2) dıagnostıkalyq medısınalyq kórsetiletin qyzmetterge jiberý;
3) emdik medısınalyq kórsetiletin qyzmetterge jiberý.
5. Joldama nusqalary týraly aqparat – taǵaıyndalǵan medısınalyq kórsetiletin qyzmetterge qatysty klınıkalyq derekterdi jınaý úshin paıdalanylatyn elektrondyq katalog arqyly medısına qyzmetkerlerine usynylǵan aqparat. Joldama nusqalary týraly aqparat naqty medısınalyq kórsetiletin qyzmetti kórsetý úshin qajetti resýrstardy usynatyn medısınalyq kórsetiletin qyzmetti berýshiler týraly málimetterdi qamtıdy.
6. Anyqtamalyq aqparat servısteri EDP jáne elektrondyq densaýlyq saqtaýdyń ózara is-qımyl jasaıtyn (ishki jáne syrtqy) medısınalyq aqparattyq júıeleriniń kómegimen iske asyrylǵan elektrondyq densaýlyq saqtaýdyń prosesterin qamtamasyz etedi.

2. Medısınalyq kórsetiletin qyzmetti jáne medısınalyq qyzmetterdi berýshini tańdaý
7. Osy Standartta mynadaı tranzaksıalar anyqtalǵan:
1) joldama nusqalary týraly suraý salý jáne aqparat alý;
2) jańa joldama.
8. Osy Standarttyń 4-tarmaǵynyń 2) jáne 3) tarmaqshalaryna qatysty joldama nusqalary týraly aqparat medısına qyzmetkerine elektrondyq katalog arqyly EDP kómegimen derekterdi jınaý jáne jańa joldama týraly jazbany berý úshin usynylady.
9. Joldama nusqalary jáne joldama nusqalary týraly aqparat osy Standarttyń 3-bóliminiń erejelerimen retteledi.
10. Jańa joldamalardy, pasıentke medısınalyq qyzmet kórsetetin medısına qyzmetkerleri beredi.
11. Jańa joldamalar ózinen keıin joldamalar týraly jańa jazbalardyń qurylýyna sebepshi bolady.

3. Medısınalyq kórsetiletin qyzmetter men resýrstardyń ulttyq elektrondyq katalogy

12. EDP jáne EDP-men ózara ózara is-qımyl jasaıtyn syrtqy medısınalyq júıeler, medısınalyq qyzmetterdi tańdaý maqsatynda, osy Standarttyń 2-bólimine sáıkes joldama jazbasyn qurý úshin anyqtamalyq aqparat servısi arqyly elektrondyq katalog derekqoryna qoljetimdilikti qamtamasyz etedi.
13. Elektrondyq katalog derekqoryn jáne anyqtamalyq aqparat servısterin engizý osy Standartpen retteledi.
14. Elektrondyq katalogta iske asyrylǵan júıeleý (taksonomıa) men termınologıa halyqaralyq standarttar SNOMED-CT negizinde júıelengen medısınalyq-klınıkalyq termınderdiń nomenklatýrasyna sáıkes keledi.
15. Elektrondyq katalogta iske asyrylǵan kodtaý júıesi, medısınalyq kórsetiletin qyzmetterge kodtyq belgileýdi berý úshin osy Standarttyń 14-tarmaǵynda belgilengen termınologıa júıesi jáne elektrondyq katalog arqyly tańdalǵan AHJ-10 KJT (ICD-10 PCS Procedure Coding System) negizdelgen.
16. Dıagnostıkalyq jáne zerthanalyq zertteýler boıynsha medısınalyq kórsetiletin qyzmetterge kodtyq belgileýdi berý úshin elektrondyq katalogta iske asyrylǵan kodtaý júıesi osy Standarttyń 14-tarmaǵynda belgilengen elektrondyq katalog jáne termınologıa júıesi arqyly tańdalǵan, halyqaralyq standarttar negizinde LOINC logıkalyq baqylaýynyń sáıkestendirgish ataýlary men kodtaryna negizdelgen.
17. Kodtardy ózgertý jáne kodtardy tolyqtyrý osy Standarttyń 14-tarmaǵynda belgilengen termınologıa júıesi negizinde jáne anyqtamalyq aqparat servısiniń elektrondyq katalogy arqyly júzege asyrylady.
18. EDP arqyly berilgen joldamalardyń negizinde kórsetiletin medısınalyq qyzmetterdi «óteý úshin» sanatyna jikteý maqsatymen elektrondyq katalog medısınalyq kórsetiletin qyzmetterdi joǵaryda atalǵan sanatqa jatqyzý úshin medısınalyq kórsetiletin qyzmetterdiń toptastyrylýyn qamtamasyz etedi.
19. Medısınalyq kórsetiletin qyzmetterdi osy Standarttyń 18-tarmaǵynda belgilengen «óteý úshin» sanatyna jatqyzý medısınalyq kórsetiletin qyzmet tarıfıkatoryna sáıkes júzege asyrylady.
20. EDP joldamalary arqyly taǵaıyndalǵan AHJ-10 KJT medısınalyq kórsetiletin qyzmetterdiń kodtary kórsetilgen qyzmetke aqy tóleý úshin medısınalyq kórsetiletin qyzmet tarıfıkatoryna sáıkes kodqa irilenedi.

4. Dıagnostıkalyq zertteýlerdiń nátıjeleri
21. Dıagnostıkalyq zertteýlerdiń nátıjeleri bekitilgen arnaıy jazbalar túrinde beriledi jáne EDP-da saqtalady.
22. Elektrondyq katalog AHJ-10 KJT negizinde detalızasıalaý deńgeıin keńeıtetin kodtyq belgilerdi terýdi iske asyrady.
23. Osy Standarttyń 22-tarmaǵyna sáıkes belgilengen kodtyq belgileýler elektrondyq katalogta iske asyrylǵan halyqaralyq standarttardyń termınologıasyna (SNOMED-CT) negizdelgen.

Qazaqstan Respýblıkasy Densaýlyq saqtaý jáne áleýmettik damý mınıstriniń
2015 jylǵy 20 shildedegi № 600 buıryǵyna 3-qosymsha

Aýrýlardyń elektrondyq profılaktıkasyn retteý standarty

1. Jalpy erejeler
1. Aýrýlardyń elektrondyq profılaktıkasyn retteý standarty (budan ári — Standart) «Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasy Kodeksiniń 7-baby 1-tarmaǵynyń 6) tarmaqshasyna sáıkes ázirlendi jáne DIN EN 13940 «Medısınalyq kómek kórsetýdiń úzdiksizdigin qamtamasyz etetin uǵymdar júıesi» halyqaralyq standartynyń talaptaryn eskere otyryp, medısınalyq kórsetiletin qyzmetterdi berýshilerdiń aýrýlardy elektrondyq profılaktıkalaý júıesine (budan ári – elektrondyq profılaktıka servısi) qatysýy úshin sharttardy anyqtaıdy.
2. Osy Standarttyń mindeti: elektrondyq profılaktıka prosesterin iske asyrý úshin elektrondyq densaýlyq pasportynyń syrtqy aqparattyq júıelerimen ulttyq jáne ózara is-qımylyn retteý úshin fýnksıonaldy talaptar men qaǵıdattardy aıqyndaý bolyp tabylady.
3. Osy Standartta mynadaı termınder men uǵymdar paıdalanylady:
1) densaýlyq saqtaý tarapy – pasıentterdi, medısınalyq kórsetiletin qyzmetterdi berýshi jáne medısınalyq kómek kórsetýde qoldaýdy qamtamasyz etetin taraptardy qosa alǵanda, densaýlyq saqtaý júıesinde ózara is-qımyl jasaıtyn jeke jáne zańdy tulǵalar.
2) syrtqy medısınalyq aqparattyq júıe – úshinshi taraptar ázirlegen jáne paıdalanatyn kez kelgen medısınalyq aqparattyq júıe.
4. Elektrondyq profılaktıka servısi elektrondyq densaýlyq pasporty (budan ári – EDP) kómegimen pasıentke qatysty birinshilik, ekinshilik jáne úshinshilik profılaktıkalyq medısınalyq kórsetiletin qyzmetti josparlaý, oryndaý jáne tirkeýdi qamtamasyz etetin qyzmet bolyp tabylady. Elektrondyq profılaktıka servısiniń derekter kózi bolyp EDP tabylady.
5. 4 jáne 7-tarmaqtarda kórsetilgen is-qımyldyń nátıjesinde nemese iske asyrý maqsatynda alynǵan aqparat osy Standarttyń retteý máni bolyp tabylady.
6. Pasıentke qatysty birinshilik, ekinshilik jáne úshinshilik profılaktıkalyq medısınalyq kórsetiletin qyzmetti josparlaý, oryndaý jáne tirkeý maqsatymen elektrondyq rásimder 3 tıpke bólinedi:
1) vaksınasıalardy basqarý;
2) skrınıngti basqarý;
3) pasıent tizimderin basqarý;
7. Elektrondyq profılaktıka servısi men tıisti elektrondyq rásimderdiń is-qımyly EDP arqyly bastalady jáne basqarylady.

2. Vaksınasıalardy basqarý
8. Vaksınasıalardy basqarý aýrýlardyń paıda bolýynyń aldyn alý, sonymen qatar olardyń saldary men asqynýlaryn profılaktıkalaý maqsatynda EDP arqyly júzege asyrylatyn elektrondyq profılaktıka servısi men elektrondyq rásimder fýnksıalarynyń bóligi bolyp tabylady.
9. Vaksınasıa júrgiziletin aýrýdy, vaksınasıa nátıjeleri týraly aqparaty, vaksınasıa týraly málimetterdi, janama áserlerdi, paıdalanylǵan dárilik preparattardy qamtıtyn pasıentterdiń vaksınasıasy boıynsha medısınalyq kórsetiletin qyzmetter týraly aqparat EDP kómegimen jınalady, júrgiziledi jáne uıymdastyrylady.
10. Pasıenttiń vaksınasıa statýsy men tarıhyn qaraý, baǵalaý, basqarý EDP arqyly júzege asyrylady.
11. Osy Standarttyń 10-tarmaǵymen qarastyrylǵan densaýlyq saqtaý sýbektileri kez kelgen pasıent boıynsha suraý salynǵan aqparatty tolyq mólsherde ala alady.
12. Ár pasıentke taǵaıyndalǵan medısınalyq-sanıtarıalyq alǵashqy kómek (budan ári – MSAK) dárigerleri osy Standarttyń 10-tarmaǵynda belgilengen aqparatqa tikeleı qoljetimdiligi bar densaýlyq saqtaý taraptary bolyp tabylady.
13. Vaksınasıa naqty pasıentke de, pasıentter toptaryna da Standarttyń 21-tarmaǵynda belgilengen pasıentter tizimderi kómegimen taǵaıyndalady.
14. Vaksınasıalardyń ár taǵaıyndalýy densaýlyq saqtaý uıymdarynda EDP kómegimen jáne osy Standarttyń erejelerine sáıkes tirkeledi.

3. Skrınıng pen profılaktıkalyq medısınalyq tekserip-qaraýlardy basqarý
15. Skrınıng pen profılaktıkalyq medısınalyq tekserip-qaraýlardy basqarý aýrýlardy erte satyda anyqtaý men aýrýlardyń damýy, aýrýlardyń týyndaýyna yqpal etetin qaýip faktorlarynyń aldyn alýǵa baǵyttalǵan halyqtyń nysanaly toptaryn tekserip-qaraý, halyq densaýlyǵyn qalyptastyrý jáne nyǵaıtý, kásibı jaramdylyqty anyqtaý, jumys jáne basqa da qyzmetterdi atqarýǵa ruqsat alý maqsatynda EDP arqyly júzege asyrylatyn elektrondyq profılaktıka servı