Energetıkadaǵy jumys oryndaryn atestattaý, utymdy etý, esepke alý jáne josparlaý týraly erejeni bekitý týraly
«Elektr energetıkasy týraly» 2004 jylǵy 9 shildedegi Qazaqstan Respýblıkasy Zańynyń 5-baby 34) tarmaqshasyna sáıkes buıyramyn:
1. Qosa berilip otyrǵan Energetıkadaǵy jumys oryndaryn atestattaý, utymdy etý, esepke alý jáne josparlaý týraly erejesi bekitilsin.
2. Qazaqstan Respýblıkasy Energetıka mınıstrliginiń Elektr energetıkasy departamenti Qazaqstan Respýblıkasynyń zańnamasynda belgilengen tártippen:
1) osy buıryqtyń Qazaqstan Respýblıkasynyń Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkeýden ótkennen keıin kúntizbelik on kún ishinde merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarıalaýǵa jiberilýin;
3) osy buıryqtyń Qazaqstan Respýblıkasy Energetıka mınıstrliginiń resmı ınternet-resýrsynda jáne memlekettik organdardyń ıntranet-portalynda ornalastyrýyn;
4) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Energetıka mınıstrliginiń Zań qyzmeti departamentine osy tarmaqtyń 2) jáne 3) tarmaqshalarymen kózdelgen is – sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasy Energetıka vıse-mınıstrine júktelsin.
4. Osy buıryq alǵashqy resmı jarıalanǵan kúninen keıin kúntizbelik on kún ótken soń qoldanysqa engiziledi.
Mınıstr V.SHKOLNIK.
«KELİSİLGEN»
Qazaqstan Respýblıkasynyń Densaýlyq saqtaý jáne áleýmettik damý mınıstri
____________ T. Dúısenova
2015 jylǵy 23 qańtar
Qazaqstan Respýblıkasy Energetıka mınıstriniń
2015 jylǵy 22 qańtardaǵy №31 buıryǵymen bekitilgen
Energetıkadaǵy jumys oryndaryn atestattaý, utymdy etý,
esepke alý jáne josparlaý týraly ereje
1. Jalpy erejeler
1. Osy Energetıkadaǵy jumys oryndaryn atestattaý, utymdy etý, esepke alý jáne josparlaý týraly ereje (budan ári – Ereje) «Elektr energetıkasy týraly» 2004 jylǵy 9 shildedegi Qazaqstan Respýblıkasy Zańynyń 5-babynyń 34) tarmaqshasyna sáıkes ázirlendi jáne energıa óndirýshi jáne energıa berýshi uıymdar personalynyń jumys oryndaryn esepke alýdy, atestattaýdy, utymdy etýdi jáne josparlaýdy uıymdastyrýdyń negizin belgileıdi.
2. Osy Erejede mynadaı negizgi uǵymdar paıdalanylady:
1) jumys oryndaryn utymdy etý – bar jumys oryndaryn jetildirýge jáne olardy paıdalanýdy jaqsartýǵa, olardyń tehnıkalyq jáne uıymdyq deńgeıin, eńbek jaǵdaıy men qaýipsizdik tehnıkasyn jaqsartýǵa, artyq jumys oryndaryn taratýǵa jáne tıimdiligi az jumys oryndarynyń ornyna jańa joǵary ónimdi jumys oryndaryn ashýǵa baǵyttalǵan uıymdyq-tehnıkalyq is-sharalardyń jıyntyǵy;
2) jumys oryndaryn josparlaý – jumys oryndarynyń eńbek resýrstary men eńbek ónimdiliginiń ósýin qamtamasyz etý teńgerimdiligin qamtamasyz etý maqsatynda olardyń ońtaıly sanyn jáne qurylymyn esepteý;
3) jumys orny – qyzmetkerdiń eńbek qyzmeti prosesinde eńbek mindetterin oryndaý kezinde turaqty nemese ýaqytsha bolatyn keńistikti aımaq;
4) jumys oryndaryn esepke alý – jumys oryndarynyń sanyn aıqyndaý jáne olardyń osy Erejede qarastyrylǵan tártippen júzege asyrylatyn jiktelýi;
5) jumys oryndaryn atestattaý – jumys oryndaryn eńbek jaǵdaılary boıynsha atestattaý;
6) jyljymaly jumys orny – eńbek aımaǵynyń belgilengen shekarasy joq, olarǵa muqtajdyq kásiporynnyń ártúrli oryndarynda týyndaıtyn jumystardy oryndaýǵa arnalǵan jumys orny;
7) jeke jumys orny – naqty bir qyzmetkerge onyń jeke jumys aımaǵy retinde bekitilgen jumys orny;
8) jumys aımaǵy – óz jabdyqtary men qural-saımandary bar keńistikti oqshaýlandyrylǵan eńbek aımaǵy;
9) stasıonarlyq jumys orny – eńbek aımaǵynyń belgilengen shekarasy bar, jumystardy kásiporynnyń naqty taǵaıyndalǵan ornynda oryndaýǵa arnalǵan jumys orny;
3. Energetıkadaǵy jumys oryndaryn atestattaý, utymdy etý, esepke alý jáne josparlaý maqsattary:
1) personaldyń qaýipsiz eńbek jaǵdaılaryn jasaý men qamtamasyz etý jáne óndiristik jaraqattanýshylyq pen ólim-jitim deńgeıin tómendetý;
2) negizgi óndiristik qorlar men eńbek resýrstaryn utymdy paıdalaný esebinen elektr jáne jylý energıasyn óndirý men taratýdyń tıimdiligin arttyrý bolyp tabylady.
4. Jumys oryndaryn atestattaý, utymdy etý, esepke alý jáne josparlaý boıynsha jumystardy júrgizý uıymdar qyzmetkerleriniń jáne uıymdaǵy qyzmet etetin kásiptik odaqtardyń ókilderin jumyldyrý arqyly júzege asyrylady.
2. Energetıkadaǵy jumys oryndaryn esepke alý jáne atestattaý
5. Energetıkanyń óndiristik obektilerindegi jumys oryndaryn atestattaý:
1) uıymnyń jumys oryndaryn elektr energetıkasy salasyndaǵy qaýipsizdik jónindegi qoldanylyp júrgen normatıvterge sáıkes atestattaýdy;
2) uıymnyń óndiristik obektilerindegi jumys oryndarynyń elektr energetıkasy salasyndaǵy qaýipsizdik jónindegi qoldanylyp júrgen normatıvterge sáıkestigin keshendi baǵalaýdy:
jumys kúrdeliliginiń deńgeıi boıynsha onyń zıandylyǵy men qaýiptiliginiń dárejesin baǵalaýdy;
personaldyń jaraqat qaýipsizdigi men atqaryp otyrǵan jumys orny boıynsha daıyndyǵynyń qamtamasyzdyq dárejesin baǵalaýdy;
qyzmetkerlerdiń jeke qorǵaný quraldaryn qoldanylýyn baǵalaýdy qamtıdy.
6. Energetıka obektilerindegi jumys oryndaryn atestattaý nátıjeleri:
1) energetıka obektilerindegi jumys oryndaryn elektr energetıkasy salasyndaǵy qaýipsizdik jónindegi qoldanystaǵy normatıvtik quqyqtyq aktilerdiń talaptarymen sáıkestikke keltirý úshin eńbek jaǵdaılary men qaýipsizdigin jaqsartý jónindegi uıymdyq-tehnıkalyq is-sharalar keshenin júrgizý;
2) jumys oryndaryndaǵy elektr energetıkasy salasyndaǵy óndiristik orta men jumys qaýipsizdigi jaǵdaılarynyń naqty jaı-kúıin baǵalaý;
3) qyzmetkerlerdiń energetıkada jeke jáne ujymdyq qorǵaný quraldaryn qoldanýyn aıqyndaý;
4) energetıkadaǵy zıandy nemese qaýipti jaǵdaılarynda jumys isteý kezinde qaýipsizdiktiń buzylý faktisin rastaý;
5) óndiristik obektiniń nemese jabdyqtyń paıdalanylýyn toqtatý (toqtata turý) týraly sheshim qabyldaý, sondaı-aq eki jáne odan da kóp jumys oryndarynda qaýipsizdik sharttary men sharalary buzylǵan kezde tehnologıany ózgertý;
6) energetıkadaǵy jumys qaýipsizdiginiń jaǵdaılaryn saqtaý týraly statısıkalyq eseptilikti jasaý;
7) eńbek (qyzmettik) mindetterin atqarý kezinde qyzmetkerdiń ómiri men densaýlyǵyna zıan keltirýge yqpal etý jaǵdaılaryn jasaǵany úshin jumys berýshiniń jaýapkershiligin aıqyndaý;
8) elektr energetıkasy salasynda kózdelgen energetıkadaǵy jumys jaǵdaılary zıandy jáne qaýipti jumystarda isteıtin qyzmetkerlerdiń usynýy boıynsha negizdeý;
9) energetıkadaǵy qyzmetkerlerdiń jumys jaǵdaılary, qaýipsizdiginiń jaı-kúıi týraly, zıandy óndiristik faktorlar jáne olardyń áserinen qorǵaný sharalary týraly shynaıy aqparat alý maqsatynda paıdalanylady.
7. Elektr energetıkasy salasynda jumys isteıtin uıymdar obektileriniń barlyq jumys oryndary atestattaýǵa jatady.
8. Atestattaýdy ótkizý merzimin uıym, eńbek jaǵdaılarynyń ózgerýine oraı, biraq óndiristik obektilerdiń sońǵy atestattaýdan ótkizilgen sátten bastap 5 jylda keminde bir ret belgileıdi.
9. Óndiristik obektilerdi kezekten tys atestattaý energetıkada jumys jaǵdaılary boıynsha atestattalǵan jumys orny boıynsha qaýipsizdik talaptaryn saqtaýdy buzǵany anyqtalǵan kezde elektr energetıkasy salasyndaǵy memlekettik qadaǵalaý jáne baqylaý organymen júrgiziledi.
Óndiristik obektilerdi eńbek jaǵdaılary boıynsha kezekten tys atestattaý nátıjeleri óndiristik obektini eńbek jaǵdaılary boıynsha aldyńǵy atestattaý materıaldaryna qosymsha túrinde resimdeledi.
10. Energetıkadaǵy jumys oryndaryn atestattaýdy retke keltirý maqsatynda olardy esepke alý júrgiziledi.
11. Esepke alýǵa qoldanystaǵy jáne paıdalanylmaıtyn, esepke alýdy júrgizý kúnine jumys kúshimen qamtamasyz etilgen jáne qamtamasyz etilmegen, sondaı-aq oqý jumys oryndaryn qosa alǵanda, barlyq qyzmetkerler sanatynyń barlyq jumys oryndary jatady.
12. Esepke alýdyń tolyqtyǵy men dáıektiligin qamtamasyz etý maqsatynda jumys oryndarynyń mynadaı negizgi jikteý belgileri paıdalanylady:
1) qyzmetkerler kásipteriniń (laýazymdarynyń) ataýy boıynsha;
2) qyzmetkerlerdiń sany boıynsha — jeke;
3) jyljymalyq deńgeıi boıynsha — stasıonarlyq, jyljymaly;
4) qyzmetkerlerdiń sanaty boıynsha – jumysshylardyń, qyzmetshilerdiń jumys oryndary;
5) paıdalaný ýaqyty boıynsha.
13. Ár jumys orny onyń bir nemese birneshe aýysymda paıdalanylýyna qaramastan, bir jumys orny retinde esepke alynady.
14. Turaqty paıdalanylmaıtyn jumys oryndary úshin olardyń esepke alý kúnine jumys isteýine qaramastan, olardyń ortasha jyldyq paıdalaný uzaqtyǵy kórsetiledi.
15. Jumys oryndaryn esepke alý osy Erejege 1-qosymshaǵa sáıkes vedimis boıynsha júzege asyrylady.
16. Jumys oryndary osy Erejege 2-qosymshada keltirilgen usynymdar eskerile otyryp aıqyndalady.
17. Jumys oryndaryn esepke alý jumys oryndaryn atestattaýdy júrgizý merzimdiligine sáıkes merzimdilikpen júzege asyrylady.
18. Energıa óndirýshi jáne energıa berýshi uıymdardy tehnıkalyq jaraqtandyrý, tehnologıalyq prosesterdi jaqsartý jáne ózge de uıymdyq-tehnıkalyq is-sharalardy ótkizý kezinde jumys oryndarynyń quramy, olardyń shekaralary, sondaı-aq jumys oryndarynyń jalpy sany jumys oryndaryn esepke alý vedomosyna tıisti ózgerister engizý jolymen qaıta qaralady.
3. Energetıkadaǵy jumys oryndaryn utymdy etý jáne josparlaý
19. Jumys oryndaryn utymdy etý jáne josparlaý jumys oryndaryn esepke alý men atestattaý nátıjeleri, qyzmetkerlerdiń men energıa óndirýshi men energıa berýshi uıymdardyń usynystary negizinde júzege asyrylady.
20. Jumys oryndaryn utymdy etýdiń negizgi mindetteri:
1) jumys oryndarynyń tehnıkalyq deńgeıin jetildirý;
2) jumys oryndarynyń uıymdyq deńgeıin jetildirý;
3) jumys oryndarynda eńbek jaǵdaılary men qaýipsizdik tehnıkasyn jetildirý;
4) artyq jáne tıimdiligi az jumys oryndaryn taratý bolyp tabylady.
21. Jumys oryndaryn josparlaýdyń negizgi mindetteri:
1) jumys oryndary sanyn júıeli ońtaılandyrý;
2) ár jumys ornynyń barynsha joǵary eńbek ónimdiligin qamtamasyz etý;
3) jumys oryndary men qyzmetkerlerdiń teńgerimdiligine qol jetkizý jáne keıinnen ony qoldaý bolyp tabylady.
22. Paıdalanýǵa jańadan engizilgen kásiporyndarda jumys oryndarynyń sany elektr energetıkasy týraly zańnamasymen jáne Qazaqstan Respýblıkasynyń Eńbek kodeksimen belgilengen jumys oryndarynyń normatıvtik (jobalyq) jınaqtalýyn esepke alý arqyly aıqyndalady. Talap etiletin jumys oryndarynyń sany kásiporynnyń jobasynda, sondaı-aq jobany ázirleý satysynda onyń tehnıkalyq-ekonomıkalyq negizdemesinde nemese basqa da jobalyq materıaldarda belgilenedi.
23. Energıa óndirýshi jáne energıa berýshi uıymdar jumys oryndaryn atestattaý aıaqtalǵan sátten bastap bir aıdan keshiktirmeı jumys oryndaryn utymdy etý josparyn ázirleıdi.
24. Energıa óndirýshi jáne energıa berýshi uıymdar jumys oryndaryn josparlaýdy turaqty negizde júzege asyrady jáne tarıftik smetalardy jasaý kezindegi josparlaý nátıjelerin eskeredi.
Energetıkadaǵy jumys oryndaryn atestattaý, utymdy etý, esepke alý jáne josparlaý týraly erejege 1-qosymsha
Jumys oryndaryn esepke alý vedomosy
R/s № Jumys orny Qyzmetkerler týraly derekter Jumys ornyn paıdalanýdyń ortasha jyldyq uzaqtyǵy, %
Ataýy Kody Rettik nómiri Jeke jumys ornynyń sany Kásibi Sanaty Dárejesi, jikteý toby Sany, ad.
Jospar naqty Aýysym boıynsha sany, adam
I II III
1 2 3 4 5 6 7 8 9 10 11 12 13
Vedomosty ázirlegen ___________________________________________
(laýazymy, T.A.Á., kúni)
Kelisildi _____________________________________________________
(laýazymy, T.A.Á., kúni)
Jumys oryndaryn esepke alý vedomosyn toltyrýǵa túsinikteme.
1. 2-baǵanda jeke jumys ornyn qyzmetkerdiń kásibi boıynsha jumysshylardyń jumystary men kásipteriniń biryńǵaı tarıftik-biliktilik anyqtamalyǵyna jáne basshylar, mamandar jáne basqa da qyzmetshiler laýazymdarynyń biliktilik anyqtamalyǵyna sáıkes ataý. Ujymdyq (brıgadalyq) jumys orny brıgada oryndaıtyn fýnksıalar boıynsha atalady.
2. 3-baǵanda kod qoldanystaǵy jikteýshilerge sáıkes qoıylady.
3. 4-baǵanda kásiporynnyń ár bólimshesi boıynsha ósý qorytyndysymen rettik nómir kórsetiledi. Mysaly, KTS — № 1-20, RES — № 1-30.
4. 5-baǵanda jeke jumys oryndarynyń sany tikeleı eseppen kórsetiledi. Ujymdyq (brıgadalyq) jumys ornyna kiretin jeke jumys oryndarynyń sany bir aýysym qyzmetkerleriniń sany boıynsha kórsetiledi.
5. 6-baǵanda kásiptiń (laýazymnyń) ataýy jumysshylardyń jumystary men kásipteriniń biryńǵaı tarıftik-biliktilik anyqtamalyǵyna jáne basshylar, mamandar jáne basqa da qyzmetshiler laýazymdarynyń biliktilik anyqtamalyǵyna sáıkes kórsetiledi.
6. 7-baǵanda qyzmetkerlerdiń sanaty bylaısha kórsetiledi: jumysshylar — 1, ınjenerlik-tehnıkalyq qyzmetkerler — 2, qyzmetshiler – 3.
7. 8-baǵanda osy jumys ornyna qyzmet kórsetetin jumysshylar kásibiniń tarıftik razrády nemese biliktilik toby kórsetiledi.
8. 9-baǵanda jumys ornyndaǵy qyzmetkerlerdiń josparly jáne naqty sany kórsetiledi.
9. 10 — 12 – baǵandarda aýysym boıynsha jumysqa keletin qyzmetkerler sany kórsetiledi. Bir aýysymda jumys isteıtin qyzmetkerler úshin tıisti aýysymdaǵy sany kórsetiledi.
10. 13-baǵanda túgel emes josparly kezeńge paıdalanylatyn jumys oryndary úshin onyń esepke alýdy júrgizý kúni jumys isteıtinine nemese jumys istemeıtinine qaramastan, ony paıdalanýdyń ortasha jyldyq uzaqtyǵy kórsetiledi.
Energetıkadaǵy jumys oryndaryn atestattaý, utymdy etý, esepke alý jáne
josparlaý týraly erejege 2-qosymsha
Jumys oryndaryn aıqyndaý jónindegi usynymdar
1. Energıa óndirýshi jáne energıa berýshi uıymdarda jumys oryndaryn aıqyndaý kezinde qyzmetkerlerdiń basym kópshiliginiń eńbek qyzmeti bir-birinen edáýir ara qashyqtyqta ornalasqan jáne qaýipti jáne zıandy faktorlar aımaǵynan ótetin jer (ótpe) baǵyttarymen baılanysatyn qyzmet kórsetiletin jabdyqtyń, ǵımarattar men qurylystardyń jıyntyǵyn qamtıtyn jumys aımaǵynda júzege asyrylatyndyǵyn eskerý qajet.
2. Qyzmetkerdiń tehnologıalyq prosesterge negizdelgen operasıalardy, jedel jáne tehnıkalyq qyzmet kórsetýdi jáne ǵımarattar men qurylystardyń jabdyqtaryn jóndeýdi jumystaryn oryndaıtyn barlyq oryndar osy qyzmetkerdiń nemese qyzmetkerler tobynyń jumys orny retinde qaralady.
3. Jedel paıdalaný personalynyń jumys orny eńbek qaýipsizdigi jáne qorǵaý zańnamasymen belgilengen talaptardy eskere otyryp aıqyndalǵan keńistikti aımaq bolyp tabylady. Mysaly, týrbınalyq jabdyq boıynsha barlaýshy mashınısiniń jumys orny jabdyqqa qyzmet kórsetiletin týrbınalardyń sany eskerile otyryp tekserý júrgiziletin týrbınalyq jabdyqtyń barlyq belgileriniń jumys aımaqtaryn qamtıdy. Shaǵyn stansıalarǵa qyzmet kórsetý jónindegi elektr monterdiń jumys orny ózine jabdyq pen qurylystardy qaraý jáne olarǵa tehnıkalyq qyzmet kórsetýdiń tehnologıalyq kartalaryna sáıkes basqarý qalqanynyń úı-jaıy men shaǵyn stansıalardaǵy jumys aımaqtaryn qamtıdy.
4. Jóndeý jumysyn atqaratyn personaldyń jumys orny tikeleı jóndeletin jabdyqtyń, ǵımarattyń jáne qurylystyń janynda ornalasqan jóndeý sheberhanalary, qyzmetkerlerdiń demalys bólmeleri jáne jóndeý jumystaryn júrgizbeıtin alańdy qamtıtyn keńistikti aımaq bolyp tabylady.
Osyndaı jumys oryndary oryndalǵan jóndeý jumystarynyń túrleri boıynsha mamandandyrylatyn brıgadalar sanyna baılanysty aıqyndalady.
Mysaly, jylý elektr stansıasynda qyzdyrý qabatyn jóndeý boıynsha brıgadanyń jumys orny sheberhana úı-jaılary, demalys bólmesi, qazandyqtyń janyndaǵy jumys alańy, qazandyq peshi, sondaı-aq jóndeletin qazandyqtardyń sany eskeriletin keńistikti aımaq bolyp tabylady.
Elektr jelileri kásiporyndary ujymy elektr berýdiń áýe jelilerin jóndeý jónindegi brıgadanyń jumys orny áýe jelilerinde jóndeletin ýchaskeniń uzyndyǵymen aıqyndalatyn keńistikti aımaq bolyp tabylady. Sondaı-aq, jumys ornyna tirektegi jumys, avtomobıldegi ótý joly, bazadaǵy jóndeý sheberhanalary da kiredi.
5. Jedel (kezekshi) personaldyń jumys orny basqarý qalqanynyń úı-jaıy, dıspecherler bólmesi, sondaı-aq tekserip qaraýdy júrgizý arqyly kúndelikti qarap ótilýi tıis elektr jabdyǵy kiretin jumys aımaǵy bolyp tabylady. Jumys oryndarynyń sany normatıvtik sany eskerile otyryp qurylǵan shtattyq keste boıynsha aıqyndalady.
Mysaly, energıa blok mashınısiniń jumys orny basqarý qalqanynyń úı-jaıy bolyp tabylady. Elektr jelileri dıspecheriniń jumys orny – basqarý qalqanynyń úı-jaıy.
6. Ákimshilik-basqarý personalynyń jumys orny jumys úı-jaıy kiretin jumys aımaǵy bolyp tabylady. Jumys ornynyń ataýy oryndalatyn fýnksıalar boıynsha aıqyndalady (mysaly, óndiristik-tehnıkalyq bólimi, óndiristik tehnıkalyq qyzmeti, býhgalterıa).
Buıryq Qazaqstan Respýblıkasynyń Ádilet mınıstrliginde 2015 jylǵy 4 naýryzda Normatıvtik quqyqtyq kesimderdi memlekettik tirkeýdiń tizilimine №10376 bolyp engizildi.
"Qamshy"silteıdi
Derekkóz: Egemen Qazaqstan
