Qazaqstannyń premer-mınıstri Kárim Másimov pen Ýkraına prezıdenti Petr Poroshenko Astanada kezdesti. Bul týraly «Qamshy» portaly premer-mınıstrdiń saıtyna silteme jasaı otyryp habarlaıdy.
Kezdesý barysynda taraptar ekijaqty qarym-qatynastyń keń aýqymdy máseleleriniń, onyń ishinde saýda-ekonomıkalyq salanyń, otyn-energetıkalyq jáne agroóndiris keshenderi týraly máseleniń talqylanǵany aıtylady. Ýkraına Prezıdenti Qazaqstanǵa resmı issaparmen keldi. Búgin Poroshenko men QR Prezıdenti Nursultan Nazarbaev kezdesedi dep kútilýde. Prezıdentter ekijaqty qarym-qatynastardyń, sonyń ishinde saýda-ekonomıka salasyndaǵy yntymaqtastyqtyń meılinshe ózekti máselelerin talqylaıdy dep josparlanǵan.
«Qamshy» silteıdi
