Bıliktiń málimdeýinshe, Nıgerıanyń ońtústiginde ornalasqan Kalabar qalasynda Ebola bezgeginiń belgileri baıqalǵan emdelýshimen 10 adam qarym-qatynasqa túsken kórinedi. Aımaqtyq BAQ-tyń habarlaýynsha, aty atalmaǵan emdelýshi ótken kúnderi kóz jumǵan eken. Bul týraly «Qamshy» portaly bbc.com-ǵa silteme bere otyryp habarlaıdy.
Qazirgi ýaqytta ebolany juqtyrdy degen kúdikpen 10 adam dárigerlerdiń qatal baqylaýynda jatyr.
Jaqynda ǵana Densaýlyq saqtaý álemdik uıymy Batys Afrıkada Ebolaǵa qatysty jańa jaǵdaılardyń oryn almaǵandyǵy jóninde habarlaǵan bolatyn. Aımaqtaǵy mundaı epıdemıologıalyq jaǵdaı 2014 jyldyń naýryzynan bastap alǵash ret baıqalǵan.
Shildeniń sońynda uıym Ebolaǵa qarsy vaksınanyń klınıkalyq synaqtardan ótip, joǵary nátıjelilikti kórsetkenin málimdegen bolatyn.
Aıta keteıik, Ebola bezgegi Batys Afrıkada 2014 jyldyń aqpan aıynan bastap etek jaıdy. Atalmysh aýrýdan qatty zardap shekken memleketter qataryna Gvıneıa, Lıberıa jáne Serra-Leondy jatqyzýǵa bolady.
«Qamshy» portaly
