Biz qazir qandaı mem­leketpiz degen su­raq­­qa: «biz – dúbárá mem­leketpiz» dep jaýap bergim keledi de turady. bizde qazir 4-5 baǵyt bar: birinshiden, Keńes úkimetinen qalǵan ıdeologıalyq baǵyt, ekinshi orystildi qoǵamnyń salqynynan arylmaǵandyǵymyz, úshinshi dinı baǵyt-baǵdardaǵy qaıshylyqtarymyz, tórtinshi ulttyq memleket quramyz degen nıetten týǵan saıası ustanym. Qysqasy, biz áli memleketimizdiń damý baǵytyn durys aı­qyn­daǵan joqpyz. Biraq, dıalektıkanyń zańy boıynsha, báribir qazaqtyń sany artyp, kórsetkishi sapaǵa aınalyp jatyr desek qatelespeımiz. Mine, osy tusta mem­­leket ózi atyn alǵan ult jaǵynda bolýy tıis. Bizde qazir eki jol bar. Birinshi memleket basyndaǵylar Konstıtýsıamyzda kórsetilgen ýnıtarly – memlekettik qurylymdy ulttyq negizde saqtap qala ala ma, ekinshi ony, áıtpese, kópultty degen uǵym-túsiniktegi baǵyt-baǵdarǵa salyp, «amerıkalyq ult» keskin-keıpin túsire me? Sondyqtan bul – biz úshin úlken bir qońyraý.