Bı-bı-sı álemdik qyzmeti japon tilindegi aqparattyq portalyn 14 qazanda iske qosatyn boldy. Bul týray «Qamshy» portaly bbc.com-ǵa silteme jasaı otyryp habarlaıdy. Japondyq Bı-bı-sı qyzmeti komersıalyq negizde qarjylanatyn alǵashqy aqparattyq resýrs bolmaq.

Internet júıesin qoldanýshy japondyq aýdıtorıa – Qytaı, AQSH jáne Úndistannan keıin áleýmettik jelilerdegi 24 mln akkaýntymen álem boıynsha tórtinshi orynǵa ıe.

Japondyq tutynýshylarǵa mobıldi ınternet 100 paıyz qoljetimdi kórinedi.

Zertteý nátıjeleri boıynsha Bı-bı-sı saıtynyń aǵylshynsha nusqasynyń mıllıonnan astam tutynýshysy Japonıadan kiredi eken. Olardyń 90 paıyzynyń ana tili – japon tili.

Álemdik Bı-bı-sı qyzmeti jańa saıtty ázirleý barysynda jańa tehnıkalyq sheshimder qabyldap, olardy aǵylshynsha nemese kırıllısalyq belgilerdi qoldanbaıtyn resýrsta paıdalanýy alǵash ret eken.

Bı-bı-sı saıtynyń japon tilindegi nusqasy Tokıo, Sıngapýr jáne Londonda bazalanǵan halyqaralyq toptyń múshelerimen qurylyp jatyr.