Qyrǵyzstannyń Memlekettik ulttyq qaýipsizdik komıteti Ýkraına aýmaǵyndaǵy urys qımyldaryna qatysqan er adamnyń kim ekenin anyqtady, Bul týraly 24.kg saıty habarlady.

Vedomstvo málimetinshe, ustalǵan azamat 2022 jyly 22 aqpanda Reseıge jumys isteýge ketken, ol jerde qylmys jasap, qylmystyq jaýapkershilikke tartylyp, túzeý mekemeleriniń birinde jazasyn ótegen.

"Reseı Federasıasynyń qarýly kúshteri Ýkraına aýmaǵynda júrgizgen arnaıy áskerı operasıa fonynda ony "Vagner" ókilderi qabyldap, kelisimshart negizinde jaýyngerlik tapsyrmalardy oryndaıtyn áskerı toptardyń qataryna qosyldy. Ýkraına aýmaǵynda 2023 jyldyń 1 tamyzynda ustalyp, tergeý qorytyndysy boıynsha qylmystyq is sotqa jiberildi", - delingen habarlamada.

Ustalǵan adamnyń áıeli kúıeýiniń Máskeýden 8 shildede kelgenin aıtty.

Bul Ýkraınadaǵy soǵysqa qatysqany úshin Qyrǵyzstanda ustalǵan ekinshi jaǵdaı. Buǵan deıin Ulttyq qaýipsizdik memlekettik komıtetiniń qyzmetkerleri Ýkraına aýmaǵynda soǵys qımyldaryna qatysqan qyrǵyzstandyq Asqar Kýbanychbek ýýlýn ustaǵan bolatyn. Ol 10 jylǵa sottaldy. Ol Reseı azamattyǵyn berýdi suraǵan bolatyn.