Sheshenstan basshysy Ramzan Qadyrov uly Adamnyń qamaýdaǵy azamatty uryp-soqqan vıdeosyn jarıalady. Ol vıdeonyń astyna óz ulymen maqtanatynyn jetkizdi. Bul týraly ol óziniń Telegram arnasynda jazǵan. 

Vıdeoda Qadyrovtyń uly qamaýda otyrǵan Nıkıta Jýraveldi uryp, tepkilegeni baıqalady. Al Nıkıta Jýravel qarsylyq bildirmeı, qorǵanýǵa tyrysqan. Qadyrovtyń aıtýynsha Nıkıta Jýravel Quran órtep, qasıetti kitapqa qurmetsizdik tanytqan. 

"Áleýmettik jelide ulym Adamnyń qasıetti Quran kitapty órtegen Nıkıta Jýraveldi soqqyǵa jyqqany jóninde qyzý talqylaý bolyp jatyr. Bul ras oqıǵa. Menińshe, qasıetti kitapty órtegen, qurmetsizdik tanytqan kez kelgen adam qatań jazalanýy tıis. Al ulym Adamnyń isin maqtan tutamyn", dep jazǵan Ramzan Qadyrov. 

Budan bólek Ramzan Qadyrov Nıkıta Jýraveldi "Ýkraına arnaýly qyzmetiniń qolshoqpary" dep ataǵan. Ol "memleket tolerantty, tózimdi, bir-birin qurmetteıtin qoǵam qalyptastyryp jatqanda, Jýravel sıaqty arandatýshylar kedergi jasaıdy", dep jazǵan.