"Qosymsha vıdeokameralar Biryńǵaı monıtorıń ortalyǵymen ıntegrasıalanady. Maqsaty – qoǵamdyq tártipti saqtaý, órt jáne tótenshe jaǵdaılardyń aldyn alý",- dedi Jýraev.
Ol jeke adamdar tarabynan ǵımarattar men úılerdiń kire beristerine ornatylǵan vıdeokameralardyń málimetterin ishki ister organdarynyń aımaqtardaǵy bólimshelerine jiberip turýǵa baǵyttalǵan E-Hamkor baǵdarlamasy iske asyrylyp jatqanyn atap ótti.
"Shaǵyn aýdandardaǵy jekemenshikke jáne qoǵamdyq tártipke qarsy qylmystardy jasaý yqtımaldylyǵy joǵary nysandarǵa turaqty baıqaý júrgiziledi", - dedi Jýraev.
İshki ister mınıstrligi 2 maýsymnan bastap Qyrǵyzstan aımaǵynda TMD-ǵa múshe elder arasynda izdeý salynǵan adamdardy vıdeo baqylaý arqyly tanyp, anyqtaý júıesi isteı bastaǵanyn málimdedi.
Byltyr qyrǵyz bıligi "Qaýipsiz qala" baǵdarlamasy aıasynda qoǵamdyq jerlerde jalpy 2177 vıdeokamera ornatylǵanyn, olardyń arasynan adamdy túrinen anyqtaı alatyn 519 kamerany İİM-niń basqarý ortalyǵynda turaqty baqylap otyratynyn málimdegen.
Pikir qaldyrý