Reseılik avıasıa Aleppo qalasyndaǵy sırıalyq áskerdiń masshtabty qurlyqtyq operasıasyn qoldaýǵa daıyndalyp jatyr. Bul týraly «Qamshy» portaly «Reuters» aqparattyq agenttigine silteme jasaı otyryp habarlaıdy. «Hezbollah» lıvandyq uıymy ókilderi men ırandyq áskerdiń qatysýymen ótetin áskerı operasıa jaqyn kúnderi bastalmaq eken. 

Aleppo qalasynyń batys jaǵy sırıalyq áskerdiń baqylaýynda bolsa, qalǵan bóligi opozısıalyq toptardyń ıeliginde eken. Al qalanyń soltústigine qaraı opozısıalyq toptardy «Islamdyq memleket» yǵystyryp otyr.

Sırıalyq úkimetke jaqyn ornalasqan derekkózderdiń habarlaýynsha, bul shabýyl Hama provınsıasyndaǵy búlikshilerge qarsy operasıanyń jalǵasy bolǵaly tur eken.

Olardyń aıtýynsha, Aleppodaǵy operasıa týraly sheshim qabyldanyp qoıǵan jáne ırandyq áskerı bólimshelerge úlken senim artylyp otyrǵan kórinedi.

Aıta keteıik, kúni keshe reseılik áýe bombalaýshylar Hama provınsıasyna da, Aleppo qalasyna shabýyl jasaǵan bolatyn.