Armenıa premer-mınıstri Nıkol Pashınán Qyrǵyz prezıdenti Sadyr Japarovpen telefon arqyly sóılesip, TMD samıtine qatyspaıtynyn málimdedi.

TMD samıti 13 qazanda Bishkekte ótedi. 

Qyrǵyzstan prezıdentiniń baspasóz qyzmeti habarlaǵandaı, eki eldiń basshylary eki jaqty qarym-qatynasty talqylap, samıtke qatysty máselelerdi sóz etken.

TMD samıtine Pashınánnyń ornyna Armenıanyń syrtqy ister mınıstriniń orynbasary barmaq.

Taýly Qarabaq tolyǵymen Bakýdyń baqylaýyna ótkennen keıin Reseı men Armenıa arasy nasharlady, dep jazady centralasian.

• Erevan odaqtasynyń Kavkazdaǵy áreketin synǵa alyp, UQSHU-dan ókilin qaıtaryp aldy.
• Ýkraınaǵa gýmanıtarlyq kómek jiberip, Vladımır Pýtındi qamaýǵa alýǵa order bergen Halyqaralyq qylmystyq sottyń sheshimine qosylǵanyn málimdedi.

Armenıa premer-mınıstri Nıkol Pashınán ıtalıalyq La Repubblica gazetine bergen suqbatynda Reseıdi bitimgerlik mindetin atqarmady dep aıyptady.

Ol sonymen Ujymdyq qaýipsizdik shart uıymynan da kóńili qalǵanyn jetkizdi.

Buǵan deıin TMD uıymynan Grýzıa men Ýkraına shyǵyp ketken.