"Almaty qalasynyń tómengi aımaǵyndaǵy "Baraholka" bazarynyń jaǵdaıyn turaqtandyrýǵa arnaıy jumys júrgizilýde",-  dep málimdeıdi megapolıstyń ákimi Ahmetjan Esimov blogerlermen ótken kezdesýinde. Qala  basshysy:   "Biz 2011 jyldan beri osy "Baraholka" bazarynyń máselesimen aınalysyp kelemiz. Bazarǵa qatysty resmı úkimder, sottyń sheshimderi,  sanepıdemstansıanyń, órt sóndirýshi oryndardyń  resmı sheshimderi  bar. Keıbireýlerdiń qarsylyǵyna  qaramastan, bizdiń jumysymyz durys júrip, jatyr. Jurttyń  sózine  qaraǵanda bazardaǵy  órtti arnaıy  uıymdastyrady  desedi.  Keıbireýleri  ákimshilik   órteıdi  degen  qańqý sóz de taratyp júr. Qarap  otyrsańyz, keshegi  órtti sóndirýge  914 adam, 113 tehnıka jumyldyryldy.  Mundaı  orasan  zor shyǵyn kimge  kerek? Asyly, bul  kóshirýge kelmeıtin  jaı ǵana  bazar edi",- dep  qadap  aıtty.  Onyń aıtýynsha,  byltyrǵy  órtten  japa  shekken  kásipkerler  sotqa  materıaldyq  shyǵynyn  óteý  úshin eshqandaı  shaǵym  túsirmegen. Bazar  basshylary da samarqaý kúıde  jatyr. Máselen,bazar aýmaǵynda aǵymdaǵy  jyly  12  ret  órt bolsa, al ondaǵy jalpy  shyǵyn 172 mıllıondy eshkim daýlamady. Tekserý  barysynda,  bazardaǵy  taýar aınalymynyń  zańǵa  qaıshy  tustary  kezdesti. Kedende tirkelmegen, Qytaıdan  tikeleı kóleńkeli  jolmen  ákelingen taýarlar  da  bar. Kedende  óte  úlken  másele  biri - zańsyz ótýshiler, ekstremıster. Onda  200-den asa adam  eshqandaı qujatsyz  osy  tirlikpen  aınalysqan. Densaýlyq saqtaý  basqarmasynyń tekserýi boıynsha,  áıelder arasyndaǵy  juqpaly  aýrý  Almaty  qalasynyń  orta  esebine  qaraǵanda  7-esege  artqan.   Qala ákimi  bosatylýy tıis aımaqtardaǵy kelispeýshilikter  týraly: «Qarsylasý bar.  Baspasózde,  depýtattar arasynda uıymdasqan keıbir múddelerdi  jaqtasýshylar tabylýda.  Alaıda, baspasóz májilisinde  aıtqanymdaı, eger  ary  qaraı dál osylaı  jalǵastyra  berse, onda  olardyń  aty-jónderin  aıtatyn  bolamyn. Biz kelistik qoı. Jáne olar toqtatty. Bári  tynysh, bári  jaqsy",- dep qala  basshysy belgisiz bireýlerge ses kórsetkendeı boldy.   

     Aıta keteıik, keshe, 5 aqpan  kún Baraholka  bazary taǵy  órtendi.  Konteınerdegi sharýashylyq taýarlary órtke oranyp, aýmaǵy 1000-1500 sharshy metrdi qamtydy. .  «Alataý-1» bazary da  órtenýdiń sál ǵana  aldynda qaldy. Jalpy aýmaǵy 400 sharshy metr.órt  2 saǵatta sóndirildi. Saýdagerlerdiń jalpy shyǵyndary eseptelýde. Osyǵan  deıin  bazar 12 ret órtengen. Keıbir  derekterge  súıensek, qalada jańa ınfraqurylymdy  bastaý úshin,bazar aýmaǵyn bosatý kerek.