QR İshki ister mınıstriniń orynbasary Igor Lepeha Qazaqstanda Respýblıka kúni ótýi múmkin mıtıńiler týraly suraqqa jaýap berdi:

– Áskerı kolonna bir jaqqa bara jatsa – "soǵys bastaldy", polıseıler kolonnasyn kórsek – "mıtıń bastaldy" deımiz.

25 qazan bizde memlekettik mereke. Árıne, biz oǵan daıyndalyp otyrmyz. İshki ister mınıstrligi kúsheıtilgen qyzmet tártibine kóshedi. Qazir ákimdikten ótetin sharalardyń bári týraly suraý alamyz, qoǵamdyq tártipti qamtamasyz etetin bolamyz.

Mıtıńke shaqyrýǵa kelsek, DVK músheleriniń shaqyrýlary bar. DVK bizde ekstremıstik uıym dep tanylǵanyn eskertemin, olardyń Qazaqstan aýmaǵyndaǵy áreketteri zańsyz. Biz olardyń eshqandaı da mıtıń ótkizýine jol bermeımiz. Bul bir. Ekinshiden, jergilikti atqarýshy organdarǵa mıtıń ótkizý jóninde ótinish berip jatqan basqa da azamattar bar, bizde mıtıńter aldyn-ala eskertý tártibimen uıymdastyrylady. Eger mıtıńtiń maqsaty men ótetin orny zańǵa saı bolsa, oǵan ruqsat berilse, biz onda tártipti kúzetemiz. Eger alaýyzdyqqa, memlekettiń konstıtýsıalyq qurylymyn ózgertýge shaqyratyn urandar bolsa, biz shara qoldanamyz, – dedi İİM orynbasary Igor Lepeha.