• Kóptegen aqparat quraldary áli kúnge deıin mınıstrlik úkimetti ashyq synaı almaı otyr. Buny ashyq aıtýymyz kerek. Áıtpegende, elimizdegi saıası oqıǵalar men jemqorlyqqa qatysty Memlekettik aqparat quraldarynyń tereńirek materıaldardy zertteýge, jazýǵa shamasy jetpeıdi emes, jetedi. Biraq bul jerde senzýra bar. Biz osy senzýrany, qol baılaýdy toqtatýymyz kerek. Naqty lotpen jazylýy tıis. Sol kezde basqa táýelsiz aqparat quraldary da qatysa alady. Básekelestik te bolady. Buqaralyq aqparattyq alańda dál qazir biz jeńilip jatyrmyz. Osy jerde kelispeıtin, eń daýly másele – pres karta. Osyǵan toqtalýymyz kerek. Iaǵnı, pres-kartany alýyń úshin «Sen jýrnalısıkany bitirýiń kerek» degen shart bar. Bizde jýrnalısıka fakúltetin bitirmeı-aq úlken aqparat quraldarynda redaktor bolyp otyrǵan qanshama múıizi qaraǵaıdaı jýrnalıser otyr. Olardy qaıtemiz? Qansha degenmen, bul mınıstrliktiń janynan quralady. Iaǵnı, erteń sheneýnikterge yńǵaısyz suraq qoıǵan áriptesterimiz erteń qýdalaýǵa ushyrap júrmeı ma?

Sondaı-aq depýtat elimizdegi BAQ-ty Túrkıanyń aqparat quraldarymen salystyrýdyń qısyynsyz ekenin aıtady.

- Bizde Túrkıanyń tájirıbesi kóp aıtylady. Túrkıa sóz bostandyǵy jaǵynan reıtıńisi Qazaqstannan áldeqaıda tómen. Endeshe, biz sóz bostandyǵy tómen elden úlgi alatynymyzdaı basymyzǵa ne kún týdy? Sondyqtan bul jerde alalaý bar sekildi. Olaı bolsa, eger de keremet júıe bolatyn bolsa, ony balama túrde qaldyra berińder. Al akkrıdıtasıa qalsyn. Jýrnalıserge unap jatsa, erikti túrde ózderi tańdaýyna múmkindik bolsyn, – deıdi Maqsat Tolyqbaı.