"Qazaqmys" kompanıasynyń baspasóz qyzmetiniń habarlaýynsha, jazataıym oqıǵa 2023 jyldyń 26 ​​jeltoqsanynda Ulytaý óńirindegi Jylandy kenishinde bolǵan.

"Saǵat 18:30-da «Shyǵys Sary-oba» shahtasy ýchaskeleriniń birinde jerasty tehnıkasynyń mashınısi jumys orynynda qozǵalys barysynda, abaısyzda ekinshi júrgizýshini soǵý saldarynan 1992 jylǵy azamat alǵan aýyr jaraqatynan kóz jumdy", delinedi habarlamada.

Arnaıy komısıa jazataıym oqıǵanyń mán-jaıy men sebepterin anyqtaıdy.

Sońǵy kezderi «Qazaqmys» ken oryndarynda kisi ólimine ákelgen jazataıym oqıǵalar jıi oryn alýda.

6 qarashada Shyǵys Jezqazǵan kenishiniń №57 shahtasynda 1 adam mert boldy. 22 qarashada Jezqazǵan ken baıytý fabrıkasynda 1 jumysshy kóz jumdy. 27 qarashada taǵy 2 adam qaza tapty.